29'ê berfanbarê - Li Qilabanê komkujî: Balafirên tirk ên şer li Qilabanê nêzîkî gundê Robozikê bombe li ser kurdên sivîl reşandin. Di encamê de 36 kurdên ku karê qaçaxiyê dikirin hatin kuştin û 14 jî winda ne. Li gorî agahiyan ji mirovên mirî 25 kes xwendekar bûn ku di bin temenê 18 saliyê de bûn. Di televizyonên tirk de ev komkujî bi giştî hate sansurkirin. Herwiha di daxuyaniya serfermandariya artêşa tirk de, di derbarê kuştiyan de ti lêborîn nehate xwestin.
18'ê berfanbarê - Êrîşa nîjadperestan li dijî kurdekî:Kurdê bi navê Gazî Akbayir ê ji Dêrsimê ku li Izmîrê di barekê de xwest bi dimilî li stranekê guhdarî bike, rastî êrîşa nîjadperestên tirk hat. Li gorî agahiyan nîjadperestan pêşî bi kêran êrîşî wî kir, piştre jî bi çekan ew kuştin.
18'ê berfanbarê - Nîşana rûmetê ji bo Yaşar Kemal: Rêveberên dewleta Fransayê nîşana Legion d'Honneur dane nivîskarê esilkurdYaşar Kemal. Hate ragihandin ku nîşan ji bo rêzgirtina mirovperweriya Yaşar Kemal û berhemên wî yên çandparêz û aştîxwaz hatiye dayîn.
18'ê berfanbarê - Li Kurdistana Bakur li dijî hikûmetê nerazîbûn: Li Bakurê Kurdistanê, ji sedema zexta hikûmet û organên wê ya li ser kurdan, mîtîngên nerazîbûnê tên lidarxistin. Ev demeke dirêj e ku li Tirkiyeyê bi hînceta KCK'yê şaredar, siyasetmedar û kesên sivîl ên kurd têne binçavkirin. Kurd jî ji bo protestokirina vê rewşê li tevahiya Bakurê Kurdistanê mîtingên bi navê Ez li vir im li dar dixin.
7'ê berfanbarê - Li Afxanistanê êrîşa xwekujî: Duh li bajarê Kabûl a Afxanistanê di dema pîrozbahiyên roja Aşûreyê de li dijî şîiyan êrîşeke xwekujî pêk hat. Di encamê de 54 kesan jiyana xwe ji dest da û bêhtirî 150 kesî brîndar bûn.
7'ê berfanbarê - Gerstêrkeke nû ya weke Erdê: Ji aliyê saziya dewletî ya DYA'yê, NASA, ve hate ragihandin ku gerstêrkeke pirr dişibe Erdê hatiye dîtin. Li gorî agahiyan ev gerstêrk ji aliyê peyka bi navê Kepler 22-b hatiye dîtin. Tê gotin ku ev gerstêrk 2.4 caran ji Erdê mezintir e û germahiya wê 22 santîgrad pile ye. Lê 600 salên roniyê ji Erdê dûr e.
7'ê berfanbarê - Gefên kuştinê li dijî meyfiroşan: Li Başûrê Kurdistanê, bajarê Zaxoyê piştî êrîşa şewitandinê ya li dijî otel û meyfiroşan, hate ragihandin ku hin kesên êrîşkar dîsa gefan li meyfiroşan dikin. Di belavokên hatine belavkirin de hatiye nivîsandin ku vê carê mirin wê digel de be.
22'ê sermawezê - Dosta kurdan çû ser dilovaniya xwe: Dosta kurdan û hevjîna serokkomarê berê yê FransayêDanielle Mitterrand îro li nexweşxaneya Georges-Pompidou ya li Parîsê çû ser dilovaniya xwe.
22'ê sermawezê - Ronahî TV dest bi weşanê dike: Kanaleke nû ya bi giştî ji bo kurdênBaşûrê Rojavayê Kurdistanê ya bi navê Ronahî TV dest bi weşanê dike. Tê payîn ku kanal wê heta weşana normal her êvar di navbera 20:00 û 23:00'an de weşanê bike.
22'ê sermawezê - Alîkariya Herêma Kurdistanê gihaşte Wanê: Piştî erdheja Wanê hemû kurdên li cîhanê ji bo gelê xwe bûne seferber. Alîkariya Dezgeha Xêrxwazî ya Barzanî ya li Başûrê Kurdistanê giha bajarê Wanê. Bi 113 tiran 212 xaniyên prefabrîk û alavên din yên malê çûne Wanê.
10'ê sermawezê - Li Wanê erdheja duyem: Piştî erdheja Wanê ya 23'ê kewçêrê, duh dîsa erdhejeke bi mezinahiya 5,6 a li gor pîvana Richter çêbû. Di encamê de 7 kes mirin û 25 kes jî brîndar bûn. Herwiha 25 avahî hilweşiyan.
10'ê sermawezê - Îsmet Şerîf Wanlî çû ser dilovaniya xwe: Siyasetmedar û niştimanperwerê kurd, prof. Îsmet Şerîf Wanlî li bajarê Lozan a Swîsreyê li nexweşxaneyê jiyana xwe ji dest da. Îsmet Şerîf Wanlî di dîroka kurdên derveyî welat de xwediyê cihekî girîng bû.
10'ê sermawezê - Hevdîtina kurdan: Heyeta KCD û BDP'yê li Başûrê Kurdistanê bi serokkomarê ÎraqêCelal Talabanî re li ser rewşa kurdan hevdîtin pêk anîn. Piştî hevdîtina ku ji bo yekîtiya kurdan pirr girîng e, hate daxuyandin ku konferansa bi tevlîbûna hemû nûnerên kurdan wê di meha rêbendanê an jî reşemî ya sala nû de pêk were.
4'ê sermawezê - Heqaret li Serok Barzanî hate kirin: Serokê Hikûmeta Herêma Kurdistanê bi vexwendina Tirkiyeyê bi balafirê hate bajarê Stenbolê. Li gorî protokolan divê serok Barzanî ji aliyê rêveberên payebilind ve hatibane pêşwazîkirin, lê hikûmeta tirk tenê bi alîkarê parêzgar pêşwazî lê kir.
4'ê sermawezê - Neh cenazeyên gerîlayan hatin dîtin: Li Geliyê Tiyarê yê li Çelê piştî tevkujiya bi çekên kîmyewî ya ji aliyê artêşa tirk ve, parçeyên laşên neh gerîlayan hatin dîtin. Li gorî agahiyan laşên wan şewitîne û parçe parçe bûne. Lewma tenê çar ji wan ji aliyê malbatên wan ve hatine teşhîskirin.
31'ê kewçêrê - Malbatan zarokên xwe nas nekirin: Li gundê GûzereşaÇelê ku 24 şervanên HPG bi çekên kîmyewî ji aliyê artêşa tirk ve hatibûn kuştin, li morga Meletiyê tên sekinandin. Piştî daxuyaniya navenda çapemeniya HPG'yê, malbatên gerîlayan çûne laşên zarokên xwe bistînin, lê ji ber ku laşên gerîlayan hatibûne şewitandin, 15 ji wan ji aliyên malbatan ve nehatine teşhîskirin.
31'ê kewçêrê - Nîjadperestan kevir û alên tirkan şandin Wanê: Piştî erdheja Wanê bi navê alîkariyê nîjadperestên tirkanal û kevir şandin bo erdhejzedeyên kurd ku li hêviya alîkariyên bûn. Hate ragihandin ku dema hevwelatiyên li taxa Xaçorta Wanê qutiyên alîkariyê stendin û vekirin, dîtin ku nîjadperestan ji dêla cilan kevir û alên tirkî şandine.
31'ê kewçêrê - Profesora herî ciwan a cîhanê: Li DYA'yê keçika îranî, Alia Sabur(Eliye Sebûr), di temenê xwe yê 19 salî de weke profesora herî ciwan a cîhanê hate danasîn. Eliye hinga deh mehî ye fêrî xwendinê dibê. Deh salî jî xwendina zanîngehê diqedînê.
25'ê kewçêrê - Pitika kurd a behîtdar: Piştî erdheja Wanê bi 47 saetan mucîzeyek pêk hat û pitikeke 14 rojî ji bin kavilan sax hate derxistin.
25'ê kewçêrê - Alîkariya brayan: Piştî erdheja Wanê gelê kurd li brayên xwe xwedî di derkevê. Li qezaya Soranê rêxistin û dezgehên kurd ji bo brayên xwe yên Wanê alîkariyê berhev dikin.
25'ê kewçêrê - Li Wanê erdhej: Li bajarê Kurdistanê, Wanê, erdhejeke bi mezinahiya 7,2 li gor pîvana Richter çêbû. Li gorî agahiyan heta niha 279 kesan jiyana xwe ji dest daye û 1300 kes jî brîndar bûne. Herwiha bi sedan xaniyên hevwelatiyan xera bûne.
20'ê kewçêrê - Hêzên PKK êrîş birin ser leşkerên tirk: Şervanên PKK li navçeya Çelê êrîş birin ser qereqol û wargehên leşkerên tirk. Li gorî agahiyan 24 leşker hatine kuştin û 20 leşker jî brîndar bûne. Lê li gorî agahiya dayika leşkerê di dema şer de li qereqolê ku telefonî diya xwe kiriye, bêhtir brindar û mirî hene.
20'ê kewçêrê - HPG li Bedlîsê êrîşî polîsan kir: Li bajarê kurdanBedlîsê şervanên PKK êrîşî polîsên Tirkiye kir. Di encamê de pênc polîsan jiyana xwe ji dest da.
20'ê kewçêrê - Protestoya li dijî daxistina ala Kurdistanê: Li bajarê kurdan Kerkûkê, xwendakarên kurd û siyasetmedarên başûr bi hev re, mitîngek li dijî hikûmeta Iraqê ku ala Kurdistanê ji dezgeh û saziyan daxist, pêk anîn.
16'ê kewçêrê - Li bajarê Münsterê perwedehiya bi kurdî: Rêveberiya perwedehiya bajarê Almanyayê ya Münsterê ragihand ku li navçeya Sendenê perwerdehiya bi zimanê kurdî hatiye pejirandin. Li gorî vê, wê li Dibistana Seretayî ya Marien dersên kurdî werin dayîn.
16'ê kewçêrê - Daxwaza fatoreyên bi kurdî ji TEDAŞ'ê: Welatiyên li navçeya Geverê ji şîrketa belavkirina karebayê ya Tirkiyeyê daxwaza fatoreyên bi zimanê kurdî kirin. Welatî dixwazin fatoreyên wan her heyv bi kurdî ji wan re werin.
8'ê kewçêrê - Steve Jobs mir: Dahênerê amerîkî Steve Jobs roja çarşemê ji sedema nexweşiya şêrpenceyê jiyana xwe ji dest da. Steve Jobs damezrînerê şîrketa Apple bû. Di piyaseya berhemên elektronîkê de roleke wî ya mezin hebû.
2'ê kewçêrê - Li Amedê Konferansa Qazî Mihemed: Bi tevlîbûna kurdên ji beşên din ên Kurdistanê, li Amedê konferansa serokê nemir ê Komara Mehabadê, Qazî Mihemed pêk hat. Di konferansê de hemû beşdar bi giştî li ser yekîtiya kurdan rawestîn.
2'ê kewçêrê - Parlementerên BDP çûne meclîsa Enqere: Parlementerên BDP ku piştî hilbijartinên Tirkiyê ji ber boykotkirina meclîsa tirk demeke dirêj neçûbûn sond nexwaribûn. Piştî nîqaşên dûvdirêj çûne meclîsê û sond xwarin.
25'ê rezberê - Kurdên li Îsraîlê wê televizyona kurdî vekin: Hate ragihandin ku wê di demeke nêzîk de kurdên Îsraelê televizyoneke bi zimanê kurdî û îbranî vekin. Çalakvanê civaka sivîl Êlan Îsraîl gotiye ku, ew niha hewl didin lobiyeke kurdan li Îsraelê pêk bînin û wan gavên pêşîn ji bo wê avêtine. Her wiha dibêje, yek ji çalakiyên kurdên Îsraelê ew e ku di van rojan de ewê televîzyoneke bi kurdî û îbranî vekin.
Li Qilabanê komkujî: Balafirên tirk ên şer li Qilabanê nêzîkî gundê Robozikê bombe li ser kurdên sivîl reşandin. Di encamê de 36 kurdên ku karê qaçaxiyê dikirin hatin kuştin û 14 jî winda ne. Li gorî agahiyan ji mirovên mirî 25 kes xwendekar bûn ku di bin temenê 18 saliyê de bûn. Di televizyonên tirk de ev komkujî bi giştî hate sansurkirin. Herwiha di daxuyaniya serfermandariya artêşa tirk de, di derbarê kuştiyan de ti lêborîn nehate xwestin.
Nîşana rûmetê ji bo Yaşar Kemal: Rêveberên dewleta Fransayê nîşana Legion d'Honneur dane nivîskarê esilkurd Yaşar Kemal. Hate ragihandin ku nîşan ji bo rêzgirtina mirovperweriya Yaşar Kemal û berhemên wî yên çandparêz û aştîxwaz hatiye dayîn.
Li Afxanistanê êrîşa xwekujî: Duh li bajarê Kabûl a Afxanistanê di dema pîrozbahiyên roja Aşûreyê de li dijî şîiyan êrîşeke xwekujî pêk hat. Di encamê de 54 kesan jiyana xwe ji dest da û bêhtirî 150 kesî brîndar bûn.
Gerstêrkeke nû ya weke Erdê: Ji aliyê saziya dewletî ya DYA'yê, NASA, ve hate ragihandin ku gerstêrkeke pirr dişibe Erdê hatiye dîtin. Li gorî agahiyan ev gerstêrk ji aliyê peyka bi navê Kepler 22-b hatiye dîtin. Tê gotin ku ev gerstêrk 2.4 caran ji Erdê mezintir e û germahiya wê 22 santîgrad pile ye. Lê 600 salên roniyê ji Erdê dûr e.
Gefên kuştinê li dijî meyfiroşan: Li Başûrê Kurdistanê, bajarê Zaxoyê piştî êrîşa şewitandinê ya li dijî otel û meyfiroşan, hate ragihandin ku hin kesên êrîşkar dîsa gefan li meyfiroşan dikin. Di belavokên hatine belavkirin de hatiye nivîsandin ku vê carê mirin wê digel de be.
Ronahî TV dest bi weşanê dike: Kanaleke nû ya bi giştî ji bo kurdên Başûrê Rojavayê Kurdistanê ya bi navê Ronahî TV dest bi weşanê dike. Tê payîn ku kanal wê heta weşana normal her êvar di navbera 20:00 û 23:00'an de weşanê bike.
Îsmet Şerîf Wanlî çû ser dilovaniya xwe: Siyasetmedar û niştimanperwerê kurd, prof. Îsmet Şerîf Wanlî li bajarê Lozan a Swîsreyê li nexweşxaneyê jiyana xwe ji dest da. Îsmet Şerîf Wanlî di dîroka kurdên derveyî welat de xwediyê cihekî girîng bû.
Li bajarê Münsterê perwedehiya bi kurdî: Rêveberiya perwedehiya bajarê Almanyayê ya Münsterê ragihand ku li navçeya Sendenê perwerdehiya bi zimanê kurdî hatiye pejirandin. Li gorî vê, wê li Dibistana Seretayî ya Marien dersên kurdî werin dayîn.
Mişel Temo hate kuştin: Siyasetmedar û nivîskarê kurd Mişel Temo duh li bajarê Qamişlo, di encama sûîkastekê de hate kuştin. Mişel Temo rêveberê Partiya Şepêla Pêşerojê ya Kurdistana Sûrî bû.
Kurdên li Îsraîlê wê televizyona kurdî vekin: Hate ragihandin ku wê di demeke nêzîk de kurdên Îsraelê televizyoneke bi zimanê kurdî û îbranî vekin. Çalakvanê civaka sivîl Êlan Îsraîl gotiye ku, ew niha hewl didin lobiyeke kurdan li Îsraelê pêk bînin û wan gavên pêşîn ji bo wê avêtine. Her wiha dibêje, yek ji çalakiyên kurdên Îsraelê ew e ku di van rojan de ewê televîzyoneke bi kurdî û îbranî vekin.