Yekîneyên Parastina Gel

Yekîneyên Parastina Gel
Yekîneyên Parastina Gel
Îdeolojî	Konfederalîzma demokratîk
Serok	Sîpan Hemo; (Fermandarê geştî); Polat Can; Rêdûr Xelîl; (Berdevkê YPGê); Xebat Brahîm; Nûjîn Dêrik; Ciwan Brahîm; Cemşîd Osman; Roşna Akêd; Çekjîn Efrîn; Haci Exmed Kurdî; Nûxelât Kobanê;
Qada operasyonê	Kantona Cizîrê ya Rojavaya Kurdistanê ; Kantona Kobaniyê ya Rojavaya Kurdistanê ; Kantona Efrînê ya Rojavaya Kurdistanê ; Kantona Şehba ya Rojavayê Kurdistanê ypgrojava.com;
Mezinahî	50.000 (2014)- 80.000,(2016)

Yekîneyên Parastina Gel (YPG), hêzeke parastinê ya Rojavaya Kurdistanê ye ku piştî destpêka sorêşa Rojavayê Kurdistanê damezirandina xwe di sala 2011an de ragihandiye ku pêkhateya bingehîn a Hêzên Sûriya Demokratîk (HSD) pêk tîne.^[2]^[3] YPG wekî hêza parastina gelên li Rojavayê Kurdistanê xwe birêxistin dike ku li herêmên wekê Qamişlo, Kobanê, Efrîn, Dirbêsî, Hesîçe û hwd, di destpêka dameziradina xwe de hêza xwe yên leşkerî bi fermandargehên xwe re avakirine. YPG Zêdetirî 600 kîlomêtre sinorê Rojavayê Kurdistanê diparêze.

YPG bi piranî ji kurdan pêk tê lê ereb û dildarên biyanî jî di nav de ne ku ew ji nêzîk ve girêdayî Konseya Leşkerî ya Suryaniyan e ku milîseke suryanî ye. YPG di sala 2011an de hatiye damezrandin ku di Şerê Navxweyî yê Sûriyê de bi lez berfireh bûye û li gorî komên çekdarên din ên kurdên Rojavayê Kurdistanê bi awayekê berbiçav mezin bûne. Milîsek xwişk, Yekîneyên Parastina Jinê (YPJ), li kêleka wan şer dike. YPG di nava Rêveberiya Xweser a Bakur û Rojhilatê Sûriyê (Rojava) de, bi taybetî li herêmên wê yên kurd çalak e.

Yekîneyên Parastina Gel di destpêka sala 2015an de serkevtineke mezin li dijî Dewleta Îslamî (DAIŞ) di dema dorpêçkirina Kobaniyê de bi dest xistiye. Di dema dorpêçkirina Kobanê de piştgiriya hewayî û bejayî ji DYAê û hêzên din ên hevbeş wergirtibû. Ji wê demê ve YPG di serî de li dijî DAIŞê û li dijî pêkhateyên DAÎŞê ku ji aliyê Tirkiyeyê ve têne fînansê kirin şer dike.^[4] Di dawiya sala 2015an de YPGê bûyw beşek ji Hêzên Sûriya Demokratîk (HSD) yekbûneke ji komên cûda ku bi armanca ereb û kêmneteweyên din baştir bixe nava hewldana şer. Di salên 2016 û 2017an de, kampanyaya HSDê ya Reqqayê bûye sedema rizgarkirina bajarê Reqa, paytexta defakto ya DAIŞê. Ji ber vê çendê gelek çavkaniyên rojavayî YPGê weke hêza herî bibandor a şerê li dijî DAIŞê li Sûriyê binav dikin.^[5]^[6]

Hejmara hêzên şervanên YPGê 50.000 heta 65.000 in.^{[çavkanî hewce ye]} Di 2014an de fermandarê giştî yê YPGê Sîpan Hemo bû.

Ala YPG’ê

Li ser zemîna zer stêrka sor, di beşa jêr de, bi tîpên mezin û kesk “YPG” bi şeklekî kevane ber bi jor ve tê nivîsandin. Li beşa jor jî bi rengê kesk, ber bi jêr ve bi şeklê kevaneyê, “Yekîneyên Parastina Gel” tê nivîsandin. Li herdû aliyên alê 4 santin rengê kesk cîh digire.

Îdeolojî

Îdeolojiya YPGê xwe dispêre prensîbên konfederalîzma demokratîk, felsefeya siyasî ya ku j aliyê rêberê PKKê Abdullah Ocalan ve hatiye xêzkirin. Di bingeha vê îdeolojiyê de fikra civakek nenavendî, rasterast demokratîk a ku li ser bingeha hevkarî û hevgirtinê dildar e.

YPG ji bo afirandina civakeke ku ji nijadperestî û navendîparêziyê wêdetir be, bi biryar e. Ew hikûmetên otorîter, tundrewiya olî û tepeserkirina hindikayiyên etnîkî red dikin. Di vîzyona wan de civakek pir etnîkî û pir olî heye ku tê de hemû kom, gel û ol – kurd, ereb, suryanî, Aramî ûyd- dikarin bi hev re di nav azadî û wekheviyê de bijîn. YPGê tekezî li ser girîngiya mafên jinan û wekheviya jin û mêran dike, tevî ku di nav refên YPGê de gelek şervanên jin û rêxistina leşkerî ya jinan YPJê jî hebin.

Hêmana bingehîn a îdeolojiya YPGê xweparastin e. Ev yekîne di destpêkê de ji bo bersivdana metirsiya DAIŞ û komên din ên tundrew hatin avakirin, lê erkê wan di heman demê de avakirina civakek demdirêj, aram û dadperwer e. YPG piştgirî dide fikra “vegera li ser kok” ango vejandina nirxên kevneşopî, komun û bi rêzgirtinê li xwezayê. Prensîbên ekolojîk di îdeolojiya wan de rolek girîng dileyzin, ji ber ku ew ji bo pêşkeftina domdar û parastina jîngeha xwezayî hewl didin.

YPG li dijî îstîsmara kapîtalîst û nêzîkatiya aborî ya neolîberal e û xwe dispêre aboriya hevpar a li gorî pêdiviyên civakê. Armanca wan xurtkirina civakên herêmî û nemerkezîkirina hêza pargîdanî û dewletên mezin e. YPG xwe weke parçeyekî berxwedaneke cîhanî ya li dijî emperyalîzm, kolonyalîzm û bêedaletiya aborî dibîne.

YPG ne tenê bi çekan, di asta siyasî de jî têdikoşe, feraseteke alternatîf a civakeke adil ku hemû gel bigihîne pêş dixe. Di pratîkê de ev tê wê wateyê ku ji bilî çalakiyên leşkerî, însiyatîfên siyasî û civakî jî pêş dixin. Ji bo avakirina civakeke azad û demokratîk a li ser esasên xwerêveberî û berpirsyariya kolektîf tevdigerin. YPG ne tenê rêxistineke leşkerî ye, di heman demê de li Rojhilata Navîn sembola hêviyê ya alternatîf û paşerojeke adil e.

YPGê bi têkoşîna xwe ya li dijî DAIŞê û tehdîdên din, weke parêzvanê azadî û mafên mirovan a navneteweyî bi dest xist. Her tim tekez dikin ku berxwedana wan ne tenê şerekî leşkerî ye, lê têkoşîneke civakî û bîrdozî ye jî. Nêrîna wan a civaka demokratîk li ser nirxên azadî, wekhevî, biratî û edaleta civakî ye.

Armanc

Di çarçoveya Paradîgmaya Civaka Demokratîk, Ekolojîk û Azadiya Zayendî de bi armaca parastina civaka polîtîk û exlaqî ya ku li Kurdistanê tê avakirin, xwebirêxistinkirinê esas digire. Di serî de gelê kurd ê Rojavayê Kurdistanê, bêyî ku cudahiya ol, ziman, netew, zayend û partiyan bike di çarçoveya berjewendiyên demokratîk û netewî de, bi armanca azadiya hemû netewên Rojavayê Kurdistanê xwe birêxistin dike, li dijî her cure êrîşên derve û hundir parastina rewa wekî erkekê dibîne. Lewre jî YPG hêzek parastinê ya netewî ye, girêdayî tu hêzek siyasî nîn e û di çarçoveya parastina berjewendiyên netewî de li gorî biryarên Desteya Bilind tevdigere.

YPG xwe wekî Fermandariya Giştî û fermandariyên jêrîn birêxistin dike. Li gorî vê yekê, Biryargeha Giştî di serî de li herêma Cizîrê, xwe li her qadekê birêxistin dike. Biryargeha Giştî li ser 3 navendan tê birêxistinkirin. Navenda yekemîn Biryargeha Cizîrê, ya duyemîn Biryargeha Kobanê, ya siyemîn jî Biryargeha Efrînê ye.

Saziya herî jor a YPG’ê, Civîna Meclîsa Leşkerî ye. Salê carekê civîna xwe li dar dixe.

Biryargeha Giştî; ji bo ku kar baş bêne birêvebirin, saziyên wekî “Lojîstîk, Arşîva Sicîlan, Cebilxane, Maliye û Kurye) ava dike.

Hêza leşkerî

YPG; ji 3 beşên esasî pêk tê. Ev beş jî ev in:

Hêzên profesyonel
Yekîneyên berxwedanê yên veşartî
Hêzên herêmî

wekî din, hêzên Milîs, hêzên Sînora hene. Herwiha Hêzên Taybet ku bi navê The Lions of ROJAVA (wata wê: Şêrên Rojava) tên naskrin. Ev Hêz di Sala 2014 de hatye Damezrandin.

Hêzên profesyonel

Ev yekîne ji yekîneyên pispor ên YPG’ê pêk tên. Ji kesên ku 24 saeten tevlî xebatên YPG’ê dibin, di perwerdeyên siyasî û leşkerî re hatine derbaskirin û di stratejiya parastina rewa de pispor bûne pêk tên.
Fermandariyên eleqedar, ji bo endamên ku di nava yekîneyên profesyonel de cîh digirin di demên ku şert û merc hebin de, dikarin destûrê bidin. (Mehê hefteyekê destur dikare bê dayîn.)

Hêzên herêmî

Yekîneyên Herêmî, hêzên parastina cewherî yên gel in. Parastina rewa ji bo demokratîkbûna gel pêk tînin. Bi armanca pêşvebirin û parastina wekhevî û azadiyê;birêxistinkirin û birêvebirinê esas digirin. Endamên Yekîneyên Herêmî hêzên şerker ên gel in. Di nava girseya gel de, bêyî ku ji jiyana civakî veqetin, tevlî xebatên leşkerî dibin.

Bêyî ku ji jiyana sivîl û civakî qut bibin, xwedî hêzên leşkerî yên welatparêz in û girêdayî madiyatê nîn in, xwedî hişmendiyek diyar in.
Xwedî her cure fedakariyê ne û berjewendiyên gel diparêzin.
Bi riya perwerdeyan di warê taktîk û teknîka leşkerî de têgihiştî ne.
Di warê parastina cewherî de pispor in û li gorî armancên siyasî tevdigerin.
Endamên yekîneyên herêmî, ji bilî xebatên xwe di nava xebatek din de cîh nagirin.
Peywîra xwe ji bo hedefek din bikar naînin û bi peywîra xwe ve girêdayî ne.
Ji bo ku jiyana xwe ya civakî jî bidomînin, kar dikin. Li hemberî malbatên xwe berpirsyar in, bi tu awayî jiyana civakî û xebatên yekîneyê tevlîhev nakin. Zemîna neweyî ku hinek kes bikar bînin çênakin.
Ji bo ku peywîrên xwe yên welatparêziyê bicîh bînin, bi awayekî dildarî tevlî xebatên yekîneyan dibin. Endamên yekîneyan bi awayekî keyfî nikarin dest ji peywîra xwe berdin.

Ji Pêvî Hêzên YPG, Hêzên Milîs, Yekîneyên Sînoran û Asayîş hene.

Hêzên milîs-Hêzên Parastina Cewherî HPC

Li gorî bajar û gundan li gorî pêwîstiyan dikare hêzên milîs jî werin avakirin

Yekîneyên Sînoran

Di bingeha qereqolên li ser sînor de, li gorî sîstema bolukan xwe birêxistin dikin.
Sîstema bolukan ji 3 qereqolan pêk tê. Li her qereqolekê taximek heye.
Yekîneyên sînoran, bi nobet, dewriye û pusuyan hatin û çûna li ser sînor kontrol dike.
Di yekîneyên sînoran de, ji bilî fermandarên qereqolan telefon nayên bikaranîn, danustendin bi cîhazan çêdibe.
Li ser sînor, ji bilî cihên hatine diyarkirin, hatin û çûn qedexe ye. Rayeya kesan a ku destûrê bidin nîn e.
Ger ku hatin û çûna bêyî destur çêbibe, lêpirsîna pêwîst tê kirin, amur têne desteserkirin. Kesên têne binçavkirin bi tiştên li gel wan re radestî cihên têkildar (eleqedar) têne kirin.
Li qereqolên sînor, xebatên pêwîst ên binesaziyê têne meşandin.
Hêzên sînoran, talîmnameya jiyanî û xebatê derdixînin.

Asayîşa rojava

De Meha Tebaxê Sal 2015 Hêzên Antî Terrorê HAT , yê ku weke beşek Taybet ji Asayîşen Rojava, hat avakerin.

The Lions of ROJAVA

Di Sala 2014 de hatye Damezrandin, eu hemu endamê wê ji Welatên dervî Rojava bitaybetî weku Amerika, Europa û Australia.

Birêxistinkirina YPG’ê

Rêxistinkirina Jin

Di nava hêza YPG'ê de jin birêxistinkirina xwe bi awayek xweser(özgün) çêdike.
Di nava YPG'ê de li her qadê jin ji sedî 40 xwe rêxistin dike.
Hêza jinan a ku di nava YPG'ê de cih digre hêza parastina hemû jinên Rojavayê Kurdistanê ye.
Hêza jin ê ku di nava YPG'ê de cih digre, di pêkanîna armanca YPG'ê de pêşengiyê dike.
Paye (tayîn) û diyarkirina (terfi) hêza jinên ku di nava YPG'ê de cih digre ji aliyê fermandariya jin ve tê pêkanîn.

YPJ Yekîneyên Parastina Jin

Navê Rexistinê: YPJ (Yekîneyên Parastina Jin)
Amblema YPJ: Li ser zemîne kesk stêrka sor, bi rengê zer jî li derudora stêrkê navê rêxistinê were nivisandin.
Armanç: Di çarcovaya Paradîgmaya Civaka Demokratîk,Ekolojîk û Azadiya Zayendî di xeta parastina Rewa de têkoşînkirin di serî de li hemberî hemû êrişên li ser civak, jin û nîrxen gelê me ji bo derbaskirina pergala 5 hezar sal ya baviksalarî, dewletperestî, ji bo avakirina Suriyeke demokratîk û Kurdistaneke azad li hemberî pergala serdestiya artêşa zilam, cinsîyetperestî, olperestî, netewperestî û zanistperestî hêza yekîneyên xweser avadike. Hêza parastina rawa ya jin û têkoşîna azadiya jin digire bin ewlehiyê.

Fermandariya Akademiyan

Fermandariya YPG’ê: Li gorî rêziknameyê tê diyarkirin û bi riya şaxên leşkerî ji bo perwerdekerina namzetên YPG’ê, Fermandariya Akademiyan ava dike.
Fermandariya Akademiyan, girêdayî Fermandariya YPG’ê bi riya şaxên jêrîn xwe birêxistin dike. Navên akademiyan wekî; “Akademiyên Leşkerî Yên Şehîd Xebat” têne diyarkirin.
Di perwerdeyan bi riya bernameyên siyasî û leşkerî, avakirina hişmendiya demokratîk, netewî û jiyana azad, qezenkirina terz û pîvanan esas tê girtin.
Di akademiyan de di bingeha stratejiya modern û xeta parastina rewa de, bi perwerdeyên taktîk, teknîk û bîrdozî leşkerîbûnê pêk tîne.
Akademiyên Leşkerî Yên Şehîd Xebat; bi perwerdeyên bingehîn hem namzetên YPG’ê perwerde dike, ji bo ku hêzên YPG’ê profesyonel bibin dewreyên pisporiyê vedike, hem jî ji bo pêşwazîkirina pêdiviya fermandaran, dewreyan vedike.
Akademiyên Leşkerî Yên Şehîd Xebat; wekî Fermandariya Akademiyên Leşkerî, ji jor heta jêr li gorî pêdiviyan xwe birêxistin dike û şaxên xwe vedike.
Fermandariya Akademiyan materyalên perwerdeyê û broşuran amade dike, bernameyên wekî semînaren lidar dixe.
Di bin banê akademiyan de; dewreyên pisporbûn û branşbûnê (çekên giran, sabotaj, suîkast û hwd) têne vekirin.

Akademiyen Leşkerî

Akademiya Ş.Agiri li Kobanê
Akademiya Ş.Devrim li Qamişlo
Akademiya Ş.Dilovan li Dêrikê
Akademiya Ş.Dilbrîn li Hesekê
Akademiya Ş.Çekjîn
Akademiya Ş.Jiyan li herêma dêrıkê
Akademiya Ş.Nejbîr li Qamişlo
Akademiya Ş.Sadiq
Akademiya Ş.Salana li Hesekê
Akademiya Ş.Şervîn li Dêrikê
Akademiya Ş.Silava û Bêrîvan Dibistana Leşkerî
Akademiya Ş.Şîlan li Dêrikê
Akademiya Ş.Şîlan li Serêkaniyê
Akademiya Ş.Warşîn
Akademiya Ş.Xebat li Dêrikê
Akademiya Ş.Xebat li Serêkaniyê
Akademiya Ş.Xebat li Efrîn ê

Taburên Leşkerî

Tabura Ş.Arîn Mîrkan li Til Koçer (YPJ)
Tabura Ş.Hêvîda ji bo bîr anîna berxwedana Kobanê hat avakirin(YPJ)
Tabura Ş.Lorens li Tıl meerûf, ji kurd û ereban pêk tê (YPG)
Tabura Ş.Mizgîn şehîd mizgîn ji dirbêsiyê

Çekên YPG/YPJ

Şerên YPG/YPJ

Sazî

Saziya Lojîstîkê

Di nava Fermandariya YPG’ê de, bi armanca pêşwazkirina pêwistiyan Fermandariya Lojîstîkê tê avakirin.
Peywîra vê fermandariyê ew e ku pêdiviyên fermandariyên leşkerî û yekîneyan pêşwazî bike.
Saziya Lojîstîkê li qadek navendî tê avakirin û belavkirina giştî li gorî vê tê kirin.
Saziya Lojîstikê, li gorî butçeya ku ji wê re hatiye veqetandin mesrefan dike. Stendinên li derveyî butçeya xerçkirinê, bi erêkirina rêxistina jor pêk tê.
Amur û tiştên hatine stendin, bi rêkûpêk têne belavkirin, pêşiya ferasetên madî tê girtin û li ser derfetan xerçkirin nayê kirin.
Nirxên komînal û demokratîk esas tên girtin. Kollektifî, hişmendî û birêxistinî esas tê girtin.
Pêdiviyên 6 mehan têne depokirin

Saziya Arşiva Sicîlan

Saziya Arşîva Sicîlan girêdayî Fermandariya YPG’ê, sicîlên hêzên parastinê bi awayekî birêkûpêk arşîv dike.
Li her biryargehekê xebatên arşîvê tên meşandin û bi awayekî birêkûpêk agahî ji yekîneya navendî ya sicîlê ya li Biryargeha Navendî re têne şandin.
Saziya Arşîva Sicîlan, agahiyên nasnemeya her endamekî/ê li dosyaya wî/ê bicîh dike.
Di bin banê vê saziyê de xebatên çapemeniyê têne birêxistinkirin.
Agahiyên arşîvê veşartî têne girtin û bi baldarî têne parastin.

Saziya Cebilxaneyê

Hem li Biryargeha Navendî hem jî li biryargehên girêdayî navendê cebilxane têne çêkirin.
Ev sazî di warê parastina cebilxaneya heye de berpirsyar e. Cebilxaneyê bi awayekî birêkûpêk qeyd û depo dike.
Cebilxaneya îhtiyat û ya zêde li cihên pêwîst belav dike û di parastina wê de berpirsyar e.
Rewşa şerekî pêkan her tim li ber çavan digire û li gorî wê cebilxaneyan depo dike û vala vala cebilxaneyan bikar naîne.
Stendina cebilxane ji aliyê navendên diyar ve tê kirin, Saziya Cebilxaneyê jî bi van navendan re di nava têkiliyê de ye.
Ji cebilxaneya ku li gorî hêzan tê belavkirin, fermandariyên têkildar berpirsyar in.

Maliye

Ev beş girêdayî Fermandariya Giştî xwe birêxistin dike. Ji çêkirina polîtîkayên malî berpirsyar e.
Hemû dahatû û lêçûnan kontrol dike.
Ji afirandin û çêkirina çavkaniyan berpirsyar e.
Bi awayekî birêkûpêk ji her qadekê raporên malî digire û rapora xwe pêşkêşî rêxistina jor dike.
Di warê malî de, ji Saziya Lojîstikê berpirsyar e.
Ji pêdiviyên hevpar û stendinên (kirîn) mezin berpirsyar e.

Sîstem YPG'ê

Di birêxistinkirina YPG’ê de, sîstema ku li ser 3 lêngan tê avakirin esas e. Li gorî vê yekê;

Tîmek ji 3 an jî 5 kesan pêk tê.
Ji 2 tîman taximek tê avakirin.
Ji 3 taximan boluk tê avakirin.
Ji 3 bolukan tabur tê avakirin.
Biryargeha eyaletan di heman demê wekî biryargeha tugayan tê birêxistinkirin.

Sûnda Endamtiya YPG’ê

Di bingeha Paradîgmaya Civaka Demokratîk, Ekolojîk û Azadiya Zayendî de, li ser esasê ku ezê civaka exlaqî û polîtîk bi parêzim, bêyî ku cudahiya ol, ziman, netew, mezhep, zayend û partiyan bikim, li dijî hemû êrîşên derve û hundir parastina rewa esas bigirim, li ser bingeha rêziknameya YPG’ê, bêyî ku li pey berjewendiyên takekesî bigerim, ezê bi cesaret, disîplîn û bibiryarî tevlî bibim, li hemberî her cure zehmetiyan bi îrade û hêzek mezin serkeftinê esas bigirim. Di vê çarçoveyê de.

Moralên leşkeran

Endamên YPG’ê di çarçoveya dildarî û parastina berjewendiyên netewî yên gelê kurd û bingeha welatparêziyê de, bi awayekî exlaqî û wijdanî, ji bo avakirin û parastina civakek demokratîk û azad tevlî dibin.

Sûc û Ceza

YPG, ji ber ku birêxistinkirinek leşkerî ye, her wiha ji ber ku di bin siya xwe de hêza profesyonel, yekîneyên herêmî û yekîneyên berxwedanê dihewîne, di warê hinek mijarên hevpar de sûc û ceza di bin 2 beşan de tê nirxandin.

a-Sûcên Şer (Sûcên di rêza yekemîn de)
b-Sûcên binpêkirina disîplînê

Sûcên şer li dadgehên leşkerî, binpêkirinên disîplinê jî di platformên rêxistinî de têne nirxandin û encam tên girtin. Sûcên ku dê li dadgehên leşkerî di rêza yekemîn de bêne nirxandin;

a-Sîxuriya (ajantiya) ji bo dijmin.
b-Îxaneta li dijî nirxên şoreş û têkoşînê
c-Li dijî xeta Şaristaniya Demokratîk û têkoşîna azadiyê ya gel xetabên xirabkirin û hilweşandinê, li dijî hêzên azadiyê xebata xirabkirin û hilweşandinê.
d-Di dema serdeçûna hedefê de, valaderxistina çalakiyê û sabotekirina wê.
e-Raye û peywîrê ji bo tiştên xirab bikaranîn.
f-Ji bilî xeta parastina rewa, bikaranîna şîdetê ya ne dicîh û dema xwe de.
g-Bûna sedema şehade rêhevalê xwe.
h-Zirardayîna nirxên têkoşîn û gel.
i-Li hemberî pergala yekîneyê xirabkirina disîplînê.
j- Li dijî yekîneya xwe û gel helwest û tevgerên li dijî exlaq.

Kes û kesên ji aliyê Dadgeha Leşkerî ve wekî sûcdar têne tespîtkirin, ji xebatên leşkerî têne derxistin û biyarên Dadgeha Leşkerî têne bicîhanîn.

Çavkanî

^ "Will the Islamic State last through 2015?". Today's Zaman. Ji orîjînalê di 5 kanûna paşîn 2015 de hat arşîvkirin. Roja gihiştinê 4 kanûna paşîn 2015.
^ "Ascent of the PYD and the SDF | The Washington Institute". www.washingtoninstitute.org (bi îngilîzî). Roja gihiştinê 2 kanûna pêşîn 2024.
^ Cook, Steven A. (25 sibat 2016). "Who Exactly Are 'the Kurds'?". The Atlantic (bi îngilîzî). Roja gihiştinê 2 kanûna pêşîn 2024.
^ "Kurdish Forces Bolster Assad in Aleppo | The Washington Institute". www.washingtoninstitute.org (bi îngilîzî). Roja gihiştinê 2 kanûna pêşîn 2024.
^ "Turkey v Syria's Kurds v Islamic State". BBC News (bi îngilîziya brîtanî). 28 tîrmeh 2015. Roja gihiştinê 2 kanûna pêşîn 2024.
^ Bertrand, Natasha. "Turkey slams 'unacceptable' photos of US troops wearing Kurdish patches while they fight ISIS". Business Insider (bi îngilîziya amerîkî). Roja gihiştinê 2 kanûna pêşîn 2024.

Girêdanên derve

http://www.ypgrojava.com/ku/index.php/martyrs ^{Girêdana arşîvê 2015-02-15 li ser Wayback Machine}
http://ypjrojava.com/portfolio/ ^{Girêdana arşîvê 2015-01-20 li ser Wayback Machine}
https://www.youtube.com/user/YPGmedia

[1] "Will the Islamic State last through 2015?". Today's Zaman. Ji orîjînalê di 5 kanûna paşîn 2015 de hat arşîvkirin. Roja gihiştinê 4 kanûna paşîn 2015.

[2] "Ascent of the PYD and the SDF | The Washington Institute". www.washingtoninstitute.org (bi îngilîzî). Roja gihiştinê 2 kanûna pêşîn 2024.

[3] Cook, Steven A. (25 sibat 2016). "Who Exactly Are 'the Kurds'?". The Atlantic (bi îngilîzî). Roja gihiştinê 2 kanûna pêşîn 2024.

[4] "Kurdish Forces Bolster Assad in Aleppo | The Washington Institute". www.washingtoninstitute.org (bi îngilîzî). Roja gihiştinê 2 kanûna pêşîn 2024.

[5] "Turkey v Syria's Kurds v Islamic State". BBC News (bi îngilîziya brîtanî). 28 tîrmeh 2015. Roja gihiştinê 2 kanûna pêşîn 2024.

[6] Bertrand, Natasha. "Turkey slams 'unacceptable' photos of US troops wearing Kurdish patches while they fight ISIS". Business Insider (bi îngilîziya amerîkî). Roja gihiştinê 2 kanûna pêşîn 2024.

[2]

[3]

[1]

[4]

[5]

[6]