Dengiza, Stewr

Dengiza, anku Dengizan (bi tirkî: Serenli) gundekî Stewrê ye.

Dengiza
Gund
Serenli
Beşek ji Dengiza
Dengiza
Koordînat: 37°33′51″Bk 40°49′25″Rh
Welat	Bakurê Kurdistanê
Dewlet	Tirkiye
Parêzgeh	Mêrdîn
Navçe	Stewr
Nahiye	Stewr (navend)
Bilindahî	960 m (3150 ft)
Nifûs  (2010)	125
Koda postayê	47860
Koda telefonê	0482
biguhêre

Di sala 1993'yan de ew jî weke gundên derdora xwe hate valakirin. Gundî her yek bi ciye kî ve bela bû; hinek çûn Îzmîr, hinek çûn Kirşehir, hinek çûn Mêrsîn, hinek çûn Bismilê ya Diyarbekir û hinek jî li nêzî çemê Stewrê di navbera Ehmedî û Stewrê de gundekî nû bi navê Eynûnê avakirin û li wir bi cî bûn. Sala 2004'an gunde ji niştecihiyê re vebû lê pir hindik kes vegeriyan gund.

Debara gund bi giranî li ser tirî, xwedîkirina heywanan û çandinî bû. Dims û mewîjên Dengiza navdar bûn.

Bi qasî dims û mewîjên wan pêkenokên wan jî li derdorê gelek navdar in.

Malbatên gund

Ev malbatan gund ava kirine û berî were valakirin lê dijiyan: Malbata Fermano, Malbata Şêxo, Malbata Keço, Malbata Berkêt, Malbata Hacikê, Malbata Mamedo

Herêmên gund

Delav, Girê Şêran, Şewla, Çahlikê, Xanîka, Çahla Sor, Newala Rezan, Heremê Hemo, Heremê Simo, Çahla Belê, Qarqosekê, Kevirê Mîzê û Tahta Çavê Emero.

Sirûşta Dengiza

Balindeyên herêmê

Çûkên ku li vî gundî dihên dîtin ev in: pepûk, pepûka bi timik, çilferşik, berkuteyê mezin (li gund jê re bilbil dihê gotin), berkuteyê biçûk, kew, sersorê serhijikan, qereçûnik, xatûna mişk, teyrê maran, teyrê baz, binerdok, çîq, kebok û başoq.

Giyayên herêmê

Giyayên ku li gund he ne ev in: xelîlok, kulîqqhwan, hindeko, nêrgiz, gihakê sêvo, qîvar, kelbeş, qîvarê devreş, botav, pîqelaçk, kerkor, strîzerdik, strîkeçik, pirpar, kereng, kereng nebî, sosin, sabûna leglegê, kenêr, ereblepo, bûka bêriyê, kulîlka bûkûzavê, lovik, xilindor, bizîlaqa miyan, bizîlaqê kuçikan, bizîlaqê bizinan û hwd.

Gelhe

Sal	Gelhe
2008	132
2000	82
1985	1.243

Galerî

• 
  Gundê Dengiza
• 
  Gundê Dengiza
• 
  Zarokên Dengiza
• 
  Zarokên Dengiza
• 
  Perîdankek ji Dengiza
• 
  Ji Dengiza çilferşikek
• 
  Ji Delav berkuteyê mezin
• 
  Ji Dengiza gumgumokek
• 
  Pîrikek Dengizî