Spîrêz

Spîrêz weşanxaneyek kurdî ye û bingehê wê li Dihokê, Başûrê Kurdistanê ye. Spîrêz pirtûkên bi kurmancî hem bi alfabeya latînî û hem jî bi ya erebî çap dike.

Pirtûkxane û pêşangeha Spîrêzê

Berpirsê Spîrêzê nivîskar û ronakbîr Hafiz Qazî û birêveberê wê jî helbestvan û nivîskar Mueyed Teyib e. Weşanxaneya Spîrêz sala 2002'yê li alî dest bi karê xwe kiriye. Spîrêzê destûra karê xwe ji Wezareta Çandeyî ya Herêma Kurdistana Îraqê wergirtiye û bi alîkariya wê têt fînansekirin.

Berhemên Spîrêzê

Spîrêz hem pirtûkan û hem jî kovaran diweşîne.

Spîrêzê niha sê kovaran derdixe. Kovara Kepir bo zarokan, ya Ciwan bo gencan û ya Hêlîn bo jinan.

Weşanxaneya Spîrêz ji destpêka xwe li sala 2002'yê ta niha (7/2006) zêdeyî 150 pirtûk çap kirine. Pirraniya wan bi kurmancî (behdînî) û bi alfabeya kurdî-erebî ne. Lê hin ji pirtûkên Spîrêzê yên herî hêja bi kurmanciya bi alfabeya kurdî-latînî hatine belavkirin.

Lîsteya hin pirtûkên Weşanxaneya Spîrêzê:

• Ferhenga Kamêran (ferhengek kurmancî-kurmancî bi alfabeya latînî)
• Dîwana Feqiyê Teyran bi amadekariya Se'îd Dêreşî (bi alfabeya kurdî-erebî)
• Şerefnama Şerefxanê Bedlîsî bi wergera Dr M. S. Cuma (bi alfabeya kurdî-latînî)
• El durr el semîn fî şerhî Mem we Zîn şirove û wergerandina Mem û Zîn a Ehmedê Xanî bi zimanê erebî. Ku ji hêla nivîskarê kurd Jan Dost ve amade bûye.

Girêdanên derve

• Malpera Spîrêzê