Open main menu

Gewriya mirov

Gewrî endamek hevbeş e ji boy heris û henaseyê. Têkiliya gewrî(gerû) bi valahiya poz, valahiya dev, sorsorik(soriçk) û qirikê heye.

Gewrî[1], gerû (bi îngilîzî: pharynx[2] ).

Dev û gewriya mirov
Gewriya mirov ji sê beşan pêk tê

Gewrî endamek hevbeş e ji boy heris û henaseyê[3] . Têkiliya gewrî(gerû) bi valahiya poz (lûtekelên), valahiya dev, sorsorik(soriçk) û qirikê heye. Mirov ji poz û dev henase werdigre[4], hewa bi navbeynkariya gewriyê derbasê qirikê dibe û bi navbeynkariya borîhewa (trake) diçe pişikan. Herwiha xurek jî ji dev bi navbeynkariya gewrî derbasê sorsorikê dibe û diçe gedeyê. Xurek di devê mirov de bi cûtinê şil dibe, bi alîkariya diranan pêrçe dibe û tê hêrandin. Xurekê hêrandî wekî loq bi nav dibe. Ziman loqê arasteyê gewrî dike. Ango divê xurek ji gewriyê raste rast derbasî sorsorikê bibe û nekeve valahiya poz an jî qirikê. Gava mirov xurek dadiqurtîne, valahiya poz ji aliyê nermika azmanê dev û zimanok ve tê girtin bi vî awayê xwarin û vexwarin nakeve nav valahiya poz[4] . Di qirika mirov de Li ser devê borîhewayê de pêkhateyek kirkirakî heye. Ev pêkhate wekî zimanê kirkirokê( epîglotîs) bi nav dibe[5] . Bi daqurtîna loqê, borîhewa ber bi jor bilind dibe[5], zimanê kirkirokê jî ber bi jêr dilive bi vî awayê devê borîhewayê ji aliyê zimanê kirkirokê ve tê girtin. Bi girtina devê valahiya poz û devê borîhewayê, tenê yek rê ji boy loqê dimîne ,ew jî sorsorik e[3]. Bi paldana ziman, loqê xurek ji dev derbasî gewrî dibe, ji gewrî jî derbasî sorsorikê dibe.

AnatomîBiguherîne

Gewrî debaşî sê beşan dibe[2]:

  • Gewriya pozê (Nasopharynx)
  • Gewriya dêv (Oropharynx)
  • Gewriya qirrikê (Larygopharynx)

PêşangehBiguherîne

ÇavkanîBiguherîne

  1. Kovara kurmancî, instituta kurdî li Parîs
  2. a b Cullen, Katherine E.( 2009) Encyclopedia of Life Science. Facts On File. p434 ISBN: 0-8160-7008-3
  3. a b Johnson, Leland G. (1987 )Biology. 2nd ed., Wm. C. Brown,. ISBN 0-697-04972-8
  4. a b OpenStax, Anatomy & Physiology, OpenStax ,2013 [1]
  5. a b Villee, Claude Alvin, et al.( 1989) Biology. 2nd ed., Saunders College Publishing. ISBN 0-03-023417-4