Abdurrahman Dürre

Abdurrahman Dürre (jdb. 1930 − m. 11ê çiriya pêşîn, 2012), helbestvan û nivîskarekî kurd bû. Ew di sala 1930î li gundê Kêranlixa girêdayî navçeya Milazgirê hatiye dinê.

Abdurrahman Dürre
Jidayikbûn	1930
Pîşe	Nivîskar
biguherîne - Wîkîdaneyê biguherîne

Perwerdehiya xwe li çend medreseyan dewam kir şûnde destûrnameya xwe ji medreseyê Norşînê hilgirt û dest bi îmamiyê kir. Nêzî deh salan li medreseyê Hesen Paşa ders da. Ji pê re bixwe jî medresek ava kir û di wê de dersên kurdî jî dan. Di sala 1962an de çû Enqereyê û kete îmtîhanê miftîtiyê û pê di îmtîhanan de bi serket re dest bi miftîtiyê kir. Di vê wezîfeyê xwe de ji ber fikrên xweyên siyasî çend derban sirgûn bû û ji pê re jî hat dane dadgehê eskerî. Lê pê re beraat bû û şûnde vegeriya wezîfeyê xweyê miftîtiyê. Navbera salên 1980-1983an de li Treblûsê wergeriya tirkî-Erebî kir. Di sala 1990an şûnde li Mûş û Erzînganê çend salan heps bû. Paşê çû Stenbolê û li wir Yukarı Mezopotamya Kültür Merkezi ("Navenda Çanda Mezopotamyaya Jorîn") ava kir û li wir dersên kurdî dan, pey re çû Ewropayê. Li Ewropayê Partiya Îslamiya Kurdistanê ava kir.

Seyda Mele Abdurrahman Dürre di 11ê çiriya pêşîn a 2012 de li Almanya li bajarê Kölnê çû ser heqiya xwe.

Berhem

• Din Perdesi Altında Sakallı Yılanlar, (1962) (Di bin perdeya olî de marên bi rû)
• İlahî Sır ve Hikmetler (Sirên îlahî û hîkmetan)
• Evîna Welat, (1992)
• Şerha Dîwana Ehmeda Xanî: Felsefe û Jiyana Wî, (2002)
• Kurdname, (2006)

Çavkanî

• Kürt Şiiri Antolojisi (Antologiya helbesta Kurd)

Girêdanên Derve

• (kurdî) Şaîrê Kurd Abdulrehman Durre wefat kir, Avesta, 12ê çiriya pêşîn 2012 ^{Girêdana arşîvê 13 çiriya pêşîn 2012 li ser Wayback Machine}