Nazmi Kırık
Nazmî Kirik (jdb. 1ê kanûna paşîn a 1976an li Diyarbekir, Bakurê Kurdistanê) şanoger û hunermendê sînemayê yê kurd e.
Jiyana û kariyera wî
biguhêreDi sala 1976an de li Diyarbekirê ji dayik bû. Dibistana navincî li Qoserê lîseyê jî li Diyarbekirê xwend. Di dema perwerdehiya xwe de li Şaxa Amedê ya Navenda Çanda Mezopotamyayê de dest bi xebatên dîlan û şanoyê kir. Di vê navberê de di gelek lîstikan de cih girt. Di dema xebatên xwe yên NÇMê gelek caran hate binçavkirin û di encamê de 7 meh di Girtîgeha Diyarbekirê de raza.
Piştî ji girtîgehê derket di sala 1996an çû Stembolê û xebatên xwe yên dîlan û şanoyê li Şaxa Stembolê ya Navenda Çanda Mezopotamya di bin banê Teatra Jiyana Nûyê meşand. Di sala 2003an digel çend hevalên xwe Dezgeha Hunerê ya Seyr-î Meselê ava kir.
Di sala 1999an de bi fîlma Güneşe Yolculuk/Rêwitiya Ber Bi Rojê dest bi sînemayê kir.[1] Rêwitiya Ber Bi Rojê di heman salê de di Festîvala Fîlman a Berlînê de xelatên "Blue Angel" û "Peace" wergirt. Di sala 2003an de bi fîlma Kleine Freiheit/Azadiya Biçûk di beşa Derhêneran ya Festivala Fîlman Cannesê derket ber temaşevanan.
Di sala 2005an de bi derhêneriya Huner Selîm bi fîlma Kilometre Zero bû namzetê lîstikvanê mêr yê herî baş. Dîsa di sala 2006an bi kurtefîlma Kimlik/Nasname ku derhêneriya wê bi xwe kiribû beşdarî 43em Festîvala Fîlman ya Antalyayê bû.
Xebatên wî
biguhêreSînema
biguhêre- Güneşe Yolculuk/Rêwitiya Ber Bi Rojê (Bi rola Berzan, Derhêner: Yeşim Ustaoğlu, 1999)
- Fotoğraf/Wêne (Bi rola Alî, Derhêner: Kazim Öz, 2001)
- Organize İşler/Karên Organîze (Bi rola Hıdır Durulmaz, 2005)
- Kleine Freiheit/Azadiya Biçûk (Bi rola Haydar, 2003)
- Kilometre Zero (Bi Rola Ako, Derhêner: Huner Salem, 2005)
- Dol (Bi rola Azad, 2005)
- Beynelmilel/Navneteweyî (Bi rola Tekin Yayladalı, 2006)
Kurtefîlm
biguhêre- Kimlik/Nasname (Senaryo û Derhênerî)
Şano
biguhêre- Birîna Dilê Min (Diyarbekir)
- Generalê Teneke (Stenbol)
- Rojbaş (Stenbol)
- Bayê Elegezê (Stenbol)
- Komara Dînan-Şermola (Teatra Jiyana Nû,Stenbol)
- Ta (Teatra Jiyana Nû, Stenbol)
- Qal û Qir (Dezgeha Hunerê ya Seyr-î Meselê, Stenbol)
Çavkanî
biguhêre- ^ "| Berlinale | Archiv | Jahresarchive | 1999 | Preisträger". web.archive.org. 11 sibat 2009. Ji orîjînalê hat arşîvkirin. Roja arşîvkirinê: 11 sibat 2009. Roja gihiştinê 23 çiriya paşîn 2024.
{{cite web}}: CS1 maint: bot: original URL status unknown (lînk)
Girêdanên derve
biguhêre- Malpera fermî ya Nazmî Kirik Girêdana arşîvê 2007-09-28 li ser Wayback Machine
- Rûpela Nazmî Kirik ya IMDB