Mehmet Karayilan

Mehmet Karayilan (jdb. 1967an, Aram, parêzgeha Riha, Bakurê Kurdistanê) siyasetmedar û hevşaredarê Xelfetiyê ye. Di 31ê adarê 2024ê de li ser navê Partiya Wekhevî û Demokrasiya Gelan (DEM) wekî hevşaredarê Xelfetiyê hate hilbijartin û di 4ê mijdarê 2024ê de bi tayînkirina qeyûmê ji wezîfeyê hat girtin.

Mehmet Karayilan
Navê rastî	Mehmet Karayılan
Jidayikbûn	1967  Aram
Hevwelatî	Tirkiye
Pîşe	Siyasetmedar
Meqam	Q130899362 (Partiya Wekhevî û Demokrasiya Gelan, 2024–2024)
Partiya Siyasî	Partiya Demokratîk a Gelan Partiya Wekhevî û Demokrasiya Gelan
biguhêre - Wîkîdaneyê biguhêre

Jiyana pêşîn û xwendin

Karayilan di sala 1967ê de li gundê Aram yê navçeya Xelfetî ya Rihayê hat dinê. Karayilan zewicî ye û du zarokên wî hene. Wî li gundê Aram dest bi dibistana seretayî kir, dibistana navîn û amadeyî li Xelfetiyê berdewam kir. Xwendina xwe ya bilind li Beşa Înşaatê ya Dibistana Pîşeyî ya Gazîentabê ya girêdayî ODTÜyê temam kir. Karayilan ku ji salên lîseyê heta niha di nava xebatên siyasî yên aktîf de ye, di salên zanîngehê de jî xebatên xwe yên siyasî yên aktîf berdewam kir.

Kariyera siyasî

Di salên 2012 û 2013ê de di pêvajoya avakirina Kongreya Demokratîk a Gelan (HDK) û Partiya Demokratîk a Gelan (HDP) de cihekî girîng girt. Di nav wan de hevseroka damezrîner a HDPê ya Dîlokê jî di nav de du serdeman hevserokatiya parêzgehê kir. Di meclîsa HDPê de 2 dewreyan û yek serdemê jî di Desteya Dîsîplînê ya Navenda Giştî ya HDPê de wezîfeya xwe ya di warê demokrasî, û dîsîplîna di nava partiyê de bi serketî bi cih anî. Di sala 2018ê de bû namzetê parlamenteriyê yê HDPê yê Dîlokê.

Dema hevserokatiya şaredariya Xelfetiyê

Piştî pêvajoya 8 salan a qeyûman li Xelfetî, Karayilan di 31ê nîsana 2024ê de bi ferqa 900 dengan weke hevşaredarê Xelfetiyê hat hilbijartin. Li hember encaman îtîraz hatin kirin û biryar hat dayîn ku hilbijartin dubare bibe. Lê di encama îtîrazan de biryar di 7ê nîsana 2024an de hat dayîn û ew jî hat şikandin.

Mehmet Karayilan di hilbijartinên herêmî yên 31ê adarê 2024ê de namzetê hevşaredarê Xelfetiyê yê Partiya Wekhevî û Demokrasiyê (DEM) bû û wek hevşaredarê Xelfetiyê hat hilbijartin. Di 4ê mijdarê 2024ê de wezareta Karên Hundir ragihand ku şaredarê Bajarê Mezin ê Mêrdînê Ahmet Turk, şaredara Êlihê Gulîstan Sonûk û şaredarê Xelfetiyê Mehmet Karayilan ên di rêveberiya DEMê de ji wezîfeyê hatine dûrxistin. Li şûna wî qeymeqamê Xelfetiyê Hakan Başoglû weke qeyûm tayînî şaredariya Xelfetiyê hat kirin.