Çiğdem Kılıçgün Uçar

Çiğdem Kılıçgün Uçar (jdb. 1978 li Ezirganê) parêzerek navdar a Tirkiyê ye û ji ber xebatên xwe yên parêzvaniyê yên li ser mafên jinan û wekheviya zayendî di nav neteweyî de tê naskirin. Ew bi hewldanên xwe yên ji bo pêşxistina hêza jinan û parastina mafên jinan li Tirkiye û derveyî welat tê naskirin. Bi taybetî bûye parêzera jinên ku rastî tundî û cudakariyê hatine, û bi awayekî aktîv di piştgirîkirina reformên yasayî yên ku mafên jinan diparêzin de cih girtiye.

Çiğdem Kiliçgün Uçar niha berdevka Partiya Çep a Kesk e.

Kurtejiyan

Dibistana seretayî, navîn û amadeyî li Erzinganê qedand. Di sala 1999an de li Zanîngeha Stembolê Fakulteya Wêjeyê beşa Dîroka Zanistê qedand. Di sala 1999an de di rêxistina HADEP a navçeya Bakirkoyê de dest bi karê siyasî kir. Demekê li Stembolê mamostetî kir.

Di sala 2009an de bi pêkanîna sîstema hevserokatiyê ya ku di Partiya Civaka Demokratîk a Stembolê de li ser esasê parêzgehê hatiye bicihkirin, weke yekem hevseroka parêzgehê hate hilbijartin. Dema ku DTP hate girtin, heta sala 2011an wekî Hevseroka Giştî ya Partiya Aştî û Demokrasiyê ya eyaleta Stembolê heman wezîfe pêk anî. Di 22yemîn Kongreya Awarte ya HDPê de di 22ê hezîrana 2014an de wekî endama PMê hat hilbijartin.

Piştî endamtiya PMê ya HDPê weke endamê Meclîsa Giştî ya Kongreya Demokratîk a Gelan û di Meclîsa Gel û Baweriyan de xebitî. Di avakirina Înîsiyatîfa Hevgirtina Jinê ya Sultangazî de cih girt.

Di 2. Kongreya Awarte ya Partiya Çep a Kesk a ku di 16ê çiriya pêşîn 2022an de pêk hat, bi Îbrahîm Akin re weke hevberdevk hat hilbijartin.