Taraf

Taraf (bi kurdî: hêl, alî, lay, bere) rojnameyeke li Tirkiyêyê, bi zimanê tirkî bû.

Taraf Taraf
Rojname
Hejmarek Tarafê bi sernivîsa kurdî
Logoya Taraf
Welat	Tirkiye
Ziman	Tirkî
Dema avabûnê	15 çiriya paşîn 2007
Dema bidawîbûnê	27 tîrmeh 2016
Cihê baregehê	Stembol
Malper	www.taraf.com.tr/
biguhêre - Wîkîdaneyê biguhêre

Tarafê di 15ê çiriya paşîn a 2007an de dest bi çapê kir. Berpirsiyarê karê nivîsaran Ahmet Altan û alîkara wî jî Yasemin Çongar e. Dirûşmeya rojnameyê "Düşünmek taraf olmaktır" / "Fikirîn alîgirtin e" ye.

Taraf di 8ê adara 2008an de bi sernûçeya kurmancî ya Ji min re avê bîne derket. Ew daxwaza Sırrı Sakık bû ku dema xwepêşandaneke bo hilbijartinên, 22ê tîrmeha 2007an hatibû bilêvkirin. Li ser vê gotina Sakik li dijî doz hatibû vekirin. Rojnameya Tarafê bi vê sernivîsa xwe dida nîşandan ku bo cara yekemîn be jî diviyabû mirov sernivîsên bi kurdî biceribandiba.

Rojnameya Taraf, bi bihayê 1 TL Türk Lirası (diravê Tirkiyeyê) dest bi weşanê kir, pêşî çapa xwe ya taşrayê (li gorî çapkirina rojnameyên tirk, taşra herêma ji bilî Stenbolê û piranî jî bajarê rojhilatê Tirkiye ye) kir 25 kuruş û di adara 2008an de bihayê xwe li bajarên mezin daxiste 40 kuruş (hûrdiravê Tirkiyeyê).

Taraf di 27ê tîrmeha 2016an de hate qedexekirin.

Girêdanên derve

• Malpera Rojnameya Tarafê ^{Girêdana arşîvê 2008-03-16 li ser Wayback Machine}
• Her ku dibe "teref" tîraja xwe bilind dike, Fadil Özçelik, AVESTA