Rojda

Rojda (jdb. 1978 li Titin, Misircê, Sêrt, Bakurê Kurdistanê, bi navê xwe yê fermî Rojda Şenses) stranbêjeke kurd a muzîka kurdî ya nûjên e.

Rojda
Rojda li Amedê performansê dike
Jiyan
Navê jidayikbûnê	Kadriye Şenses
Jidayikbûn	1978 Titin, Misircê, Sêrt, Bakurê Kurdistanê
Netewe	Kurd
Cureyê muzîkê	Strana kurdî ya modêrn
Pîşe	Stranbêj
Salên çalak	2007-niha
Etîketa qeydê	Kom Muzîk, Rojda Production
Çalakiyên têkildar	Mikail Aslan
biguhêre

Kurtejiyan

Rojda di sala 1978an de li Tutun, gundekî navceya Misircê ya Sêrtê, ji dayik bûye. Di 12 saliya xwe de dest bi xebatên muzîkê kir. Sê salan di nava komên di bin sîwanên HEP û DEPê de stran got.

Rojda digel koma Gulên Xerzan

Piştî qedandina dibistana xwe, ew di sala 1991an de ji bo xwendina beşa muzîkê diçe Stenbolê, li wir tevlî xebatên (Navenda Çanda Mezopotamyayê) NÇMê dibe û û dibe yek ji solîstên Koma Gulên Xerzan, ya ku ji aliyê birayê wê hatibû damezrandin. Kom di çarçoveya Navenda çanda Mezopotamya xebatên xwe dimeşand. Kom di sala 1994an de albûma xwe ya ewil ya bi navê 'Ji bîr nabin' dikişîne. Duyemîn albûma wan a bi navê 'Sonda Me' di sala 1997an de hate weşandin. Rojda bi taybetî bi strana 'Helîmcan' xwe da nasîn û dengê wê êdî ji aliyê guhdarvanan ve gelek hate ecibandin. Di heman salê de ew tevlî koma Asmîn bû, ya ku ji keçên kurd pêk dihat, lê dmeke dirêj di komê de nema. Sêyemîn albûma komê 'Rukena min' di sala 2005an de hat weşandin. Klîbên 'Memed kanî' û 'Ello dîno' di Festîvala Klîpan a Zaxoyê wek baştirîn klîpên salê hatin hilbijartin.

Kariyera wê ya solo

Rojda salekê bi şunde ji Koma Gulên Xerzan vediqete û bi awayeke serkeftî dest bi kariyera xwe ya solo dike. Yekemîn albûma wê ya solo di sala 2006an de tê weşandin û bi stîla xwe ya nûjên û cûda gelek tê ecibandin.

Dozvekirin

Rojda di 25ê adara 2010an de ji aliyê Dadgeha Bilind a Amedê ve ji ber 'propagandakirina bo rêxistineke îllegal' hat mehkûm kirin û du sal cezaya zîndanê xwar. Berî cezaxwarinê jî serokwezîrê tirk Recep Tayyip erdoxan wê û gelek hunermendên kurd dawetî xwarinekê kiribû, ji bo danasîna 'Pateka Demokrasiyê' (taktîka nû ya AKP ji bo 'çareserkirina pirsgirêka kurd'), lê Rojda dawetê qebûl nekiribû û got ewê tevlî xwarinê nebe.

Stîla Rojda

Endama koma muzîkê ya Gulên Xerzan Rojda bi şirovekirina stranên klasîk mîna strana "Wer Helîmê" dengê xwe gihand mîlyonan. Rojda ku dikare li tenbûr, dahol û erbanê bixe û bijene di heman demê jî de solîstiya Koma Asmîn a ji jinan pêk tê jî kir.

Dîskografî

Digel koma Gulên Xerzan:

• Ji Bîr Nabin (1994)
• Sonda me (1997)
• Rûkena Min (2005)

Albûmên wê yên solo:

• Sebra Min (2006)
• Hat (2011)
• Kezî (2014)
• Siyam (2018)
• Bazin (2020)

Xebatên din:

• Mem û Zîn
• Şahiya Stranan
• Şevbuhêrka Dengbêja

Girêdanên derve

• Malpera Fermî ^{Girêdana arşîvê 2009-03-17 li ser Wayback Machine}