Ibrahîm Kêvo

Ibrahîm Kêvo (bi erebî: ابراهيم كيفو, Ibrahim Keyfo; wekî Ibrahim Keivo jî tê naskirin), hunermend û muzîkjenekî bi eslê xwe ermenî ye ku di 4ê kanûna paşîn a 1965an de li gundekî ser Hesîçeyê (li Sûriyê û Rojavaya Kurdistanê) ji dayik bûye. Wî xwendina xwe ya seretayî li Hesîçeyê kiriye, paşê li Înstîtuta Muzîkê ya Helebê xwendiye. Şagirtê bestekar û muzîkzanê navdar ê suryanî Nûrî Iskender bûye.

Ibrahîm Kêvo
Jidayikbûn	4ê kanûna paşîn a 1965an (59 salî) Parêzgeha Hesîçeyê, Rojavaya Kurdistanê, Sûrî
Pîşe	Hunermend
biguhêre - Wîkîdaneyê biguhêre

Kêvo stranên xwe bi ermenî, kurdî, erebî û suryanî dibêje. Ji xeynî dengê xwe yê xweş, Kêvo lêderekî vîrtuoz î tembûr û baxlema û gelek amûrên têldar ên din jî ye.

Wî wek mamosteyê muzîkê li Hesîçeyê kar dikir.

Beşdarîkirina wî di festîvalên navdewletî de

Kariyera wî ya navdewletî di 2002an de destpêkir. Tevî kar û çalakiya kompaniya holendî ZT-Hollandia bû. Kêvo li festîvala Kunsten Festival des Arts a Brûselê di versiyona tevî muzîka Nûrî Iskender a trajediya Bacchus a Eurîpîd de beşdarî kir. Pişt re di gelek festîval û projeyên muzîkê yên navneteweyî de pişkdar bû, wekî li Maison des Cultures du Monde (Parîs) û li Institut du Monde Arabe (Parîs) û Festival de l'Imaginaire (Parîs) û hwd. Wî di 2008an de jî konsera xwe ya solo li operageha Şamê çêkir.

Di 2009 û 2012an de bû mêvanê festîvala Morgenland Festival Osnabrück a Almanyayê. Îsal jî (2013) li Hewlêrê tev li yekem festîvala International Music Summer Erbil bû.

Çavkanî

• Malpera fermî ya Ibrahîm Kêvo ^{Girêdana arşîvê 2013-06-04 li ser Wayback Machine}
• Ibrahîm Kêvo ser Facebookê