Tengezarê Marînî

Tengezarê Marînî helbestvanê kurd e ku di 4ê îlona 1959an de li Tirbespiyê, li Başûrê Rojavayê Kurdistanê hatiye dinyayê.

Tengezarê Marînî
Mirov
biguhêre - Wîkîdaneyê biguhêre

Perwerde û pisporî

Marînî du salan edebiyata erebî li zanîngeha Helebê xwendiye. Pisporiya karmendiya medya nû (Communication, Relation and Presentation) xwendiye. Di gel Prof. Dr. Hartmut Griese, li zanîngeha Hannoverê û Duhokê kar kiriye. Pisporiya wergerandina derûnasî û nojdariyê xwendiye, kar kiriye û rahêner e, li nik EMZ (Navenda nojdariya regezan) û bajarê Hannover. Di bîr û raya giştî de, bi helbestên xwe û nivîsên xwe yên li ser rexneya toreyî û wergerandina helbestvanên almanînivîs tê naskirin.

Şarezayî di zimanên kurdî (kurmancî-soranî), erebî, îngilîzî, almanî û suryanî de heye.

Karê wî li Almanyayê

Marînî di kovarên Stêr, Pirs û Pêl de berpirsê destpêşkeriya navenda çanda cîhanî li Hannover, Almaniyayê bû. Dûre, di rojnameya Azadiya Welat de qunciknivîs bû û di gelek rojname, kovar û malperên kurdî de li cih û welatên cuda de dinivîse. Ew berpirsê komîta kurdên Hannoverê, navenda rewşebîrî û ragihandinê û berpirsê yekîtiya nivîskarên Kurdistana Rojava li Almaniya ye.

Tengezarê Marînî îro li Almanyayê dijî.

Berhem

Pirtûkên çapkirî bi kurdî

1. Kilît, helbest, 1992, Beyrût
2. Çirûska xewneke bazdayî, helbest, 1993, Şam
3. Evîna Leylan û Mijê, helbest, 1998, Hannover
4. Şevnema şînê, helbest, 2001, Hannover
5. Nesrîna qedexe ji bêcirriya te, 2005, Amed
6. Kalo: bêdengî nepara te ye, helbest, 2006, Hannover
7. Helbestên rengîn, amadekirin û werger ji almanî, Erich Fried, lêkolîn û helbest, 2006, Dihok
8. Pantelonê şeytanî, Italo Calvino, ji almanî, 2008, Dihok
9. Zanista rexneyî di navbera tiyorî û praktîkê de, rexne, 2014, Dihok
10. Çend berhevokên tenduristiyê, mîna sîstema tenduristiyê li Almanya, mamografî û penceşêra singê û trawma xemnakî û derûnnasî.

Pirtûk ên bi almanî

1. Der Baum der Freiheit ("Dara azadiyê"), dokumentasyon, 1998, Hannover
2. Funken des Nebel ("Tîrêjên mijê"), helbest, 2000/1 û 2002/2, Hannover
3. Was hast du gesagt? ("Te çi got?"), helbest, 2010, Hannover

Girêdanên derve

• Nivîsên Tengezarê Marînî ^{Girêdana arşîvê 2004-09-20 li ser Wayback Machine}