Sadiq, Helbestvanekî kurd e û navê wî di dawiya wê helbesta ku di nav wê keşkula destnivîs de hatiye nivîsîn hebû. Ji ber ku navê Sadiq di dawiya vê helbestê de tê, ew ne ya Elî Herîrî lê ya Sadiq e. Tarîxa jiyana vî helbestvanî jî wek ya Mîna û Macin ne diyar e. Heta niha tu tarîxnasî nave wan neaniye. Eger hinek berhemên wan ên din jî bi dest kevin ne dûr e ku di duwarojê de tarîxa jiyana wan ronî bibe.
:Xelqna werin bibînin çi husneka kemale
- Heyran ji dil bimînin li sur'a Zulcelal e
- Sun'a Xudê wedayâ sefhe ji nûr daniyayê
- Enber li ser kêşayê ebru û xet û xal e
- Xalêt şubhê 'enberê dêm herwekû qemerê
- Ez têr nabim ji nezerê min qet naçit ji xiyale
- Min qet naçit ji bîr e zulfêt şubhê herîr e
- Li ser bedra munîr e dagirtibû hilale
- Ebru hîlala 'îdê ebleq şubhê nahîde
- Dem her wekî xurşîdê cebhet meha kemal e
- Cebhet meha tevav e rû sorgula xûnav e
- Rîhan hatine hindav e nesrînan davê pal e
- Nesrînan cûqet best e min nêrayî be heweste
- Eqlê min çû ji deste heyran kirim derhal e
- Heyran bûm ez li dînî sotim derdê evînê
- Ji xo nakim hêviya jînê li min kêm meh û sal e
- Mushefa xet û xalan metnê ji "Lam" û "Dal" an
- Ji ber zehmeta eşkalan kesê nakit mutale
- Ji çavan xûn dibarî ji dest ebleqet xumarî
- Wekî avêt tê çare bêweqt û bêmecal e
- Wesfêt du nazenînan medhêt du sor şêrînan
- Wek durr û yasemînan dibejim ez lmale
- Gerden şîşa nebatê lêv şerbeta heyate
- Ez pê dibim necate ji derdê pir melal e
- Lêvêt şubhet nebatê ez nadim bi heyatê
- Ji husna but û latê bi min cah û celal e
- Husna te ya hebîb e dile min je xerîb e
- Ya Ellah tu bikî nesîbe dest bidetin vvîsale
- Husna te ya hebîb e dile min jê xerîb e
- Ya Ellah tu bikî nesîbe dest bidetin wîsale
- Husna te ya dil xah e dilber lebsî siyah e
- Bi min Ke'betullah tewaf bikin her sal e
- Baxe ku her bihar lê sinbil û lalezar lê
- Çend kulîlkêt bi xal lê bilbilî nale-nal e
- Dêmê xalêt di hûr lê eniya xulfet ştûr lê
- Rewneqa Kohe Tûr lê mehbûb e bê misal e
- Mehbûb e bê hemta ye qamet selwê bala ye
- Kêsû şiva yelza ye gerden bi xo şemal e
- Gerdan şem'a kafûrî perde li ser ji nûrî
- Rewneqê da ve Tûrî tecella kir cemale
- Tecella kirbû carek husna xo ya mübarek
- Ehsenellah tebarek çi şems e bêzewal e
- Zulfên di şehlewendan biskên mehbûb û rindan
- Êxistime qeyd û bendan berdane ve mihale
- Çavên di şox û şengan xemzêt di dil firengan
- Dil davê ber xedengan xûn vexarin helal e
- Mehbûba dil newazan bilinda serfirazan
- 'Alem qir kir bi nazan qet nabêjit webal e
- J'Misre bînin xeracê j'Hindê bikin taracê
- Ji Romê bistînin bacê ji bo xemleya delal e
- J'Hindê bibin talanî bikirin kilê subhanî
- J'bo çehvêt şehsultanî, dema têtin sersal e
- Dê çend bibêjî Sadiq ji esrar û deqaîq
- Evan wesfên di laîq ji husna ya delal e
|
- Şaîrên Klasîk ên Kurd ( Abdulreqîb Yûsuf )--Ji Weşanên Jîna Nû
