Mazî

Mazî, darmazî
Dabeşandina zanistî
Cîhan:	Plantae
Parçe:	Magnoliophyta
Çîn:	Magnoliopsida
Kom:	Fagales
Famîle:	Fagaceae
Cins:	Quercus
Cure:	Q. infectoria
Navê zanistî yê latînî
Quercus infectoria Olivier

Mazî an dara maziyê an darmazî (bi latînî, Quercus infectoria), dareke li famîleya narewanan e. Dareke biçûk e, bi piranî bilindbûna wê 1,80 m ye, lê belê yên bilind jî henin. Mêwe (berrûyên mazî) û qalikê darê di bijîşkiyê de tên bikaranîn û wekî êm ji pez û dewaran re tên hevdan. Ji darê maziyê komir tê çêkirin. Li ser saxikên dara maziyê pir car mazî û şekalor tên dîtin.

Bi zimanê îngilîzî "Aleppo Oak" (bi kurdî "darberûya Helabê") an jî "mazi" dibêjin.

Ji gotinên pêşiyên kurdan

• Mazîvanê ku tu bi zorê bişinî maziyan, tu maziyan nayne.
• Mazîvanî ne karê axa ye.

Navên cihan bi navê mazî

• Çiyayê Mazî: navê çiyayên li nava Dêrika Çiyayê Mazî û Şemrexê e.
• Mazıdağı: navê Şemrexê bi tirkî ye.

Mazî û şekalor

• 
  Mazî ne mêweya dara mazî ye, lêbelê, hêlîna kurmikê parazîteke dara mazî (Quercus infectoria) ye. Di bijîşkiya gelêrî de gelek tê bikaranîn.
• 
  Şekalor, cureyekî maziyê jî ye, evên hanî ji Çiyayê Mazî ne.
• 
  Şekalorên Çiyayê Mazî.