Andromeda (mîtolojî)

Andromeda (yewnanî: Ἀνδρομέδα) di mîtolojiya yewnanî de jina leheng Perseûsê , di heman demê de dotmîra Etiyopyaya kevnar bû.

Andromeda Ἀνδρομέδα
Perestvan	mîtolojiya yewnanî
Tekst	Metamorphoses
Zayend	Mê
Agahiyên kesane
Dê û bav	Kêfeus  (bav) Kasiopeia  (dê)
Hevjîn	Perseûs
Zarok	Gorgofonê Persês Êlektrîon Helios Stenelos Mêstor Autoxtê Kînûros Alkeos
Xanedan	Perseûs
biguhêre - Wîkîdaneyê biguhêre

Andromeda li ser vazoyekê (430 b.z. yan jî 420 b.z.), muzeya Tarantoyê

Çîroka wê

Li gorî çîrokên wê ew keça key Cepheûs û yên keybanû Cassiopeiaê bû. Keybanû Cassiopeia, bi ehmeqî got ku ew û keça xwe ji hemî Nereîdan (perîyên deryayê) xweşiktir in. Nereîd ji Posîdon re vê yekê gilî kirin, ku Posîdon parêzvan û hevalê wan bû. Ew vê îdîaya wêrek hêrs bû, cinawirek behrê ya bi navê Cetus û lehiyek şand ku Etiyopyayê hilweşîne. Remildarekî got ku Etiyopya tenê dikare xilas bibe heke Andromeda ji cinawira deryayê re were qurban kirin. Andromeda tazî kirin, ji xeynî hinek zêran, û bi zincîrekî di behrê de li benda qedera xwe bû.

Perseûs di wê nav gavê de li ser wan derbas dibû û xwe danî ba Key Cepheûs. Kuştina cinewirê teklîf kir û hemberî wê teklîfê jî şerta wî, keça wê ji wê xwest. Key teklîf û şertên wî qebûl kir. Perseûs çu nava behrê û nava pêlên deryayê serê canewarê dît . Serê wê dişîba serên semasiyan. Perseûs tayekî avête dûvê canewarê lê kêr nehat, kete xwarê. Serê Medûsayê ji çenteyê derxist û canewarê jî kire kevir. Andromêda ji mirinê filitî. Perseûs û Andromêda zewicîn.

li ser vazoyekî Perseûs û Andromeda

Andromeda û Pêrseûs vegeriyan Yewnanistanê û şaristaniya Mîkênê avakirin. Ew şaristanî wek çavkaniya çanda Yewnanî tê hesibandin.

Heft kur û du keçên wan dibe. Gelek lehengê navdarên mitolojiya yewnanî û mîtolojiya romayî ji wan çêdibe. Diya Hêraklêsê Alkmênê jî keça wan bû. Di heman demê de dihat bawerkirin ku qewmê Farisan tev ji wan zêde bûye.