Ali Mahir Başarır

Ali Mahir Başarır (jdb 3ê îlona 1975an li Tersus, Mêrsîn), siyasetmedar, parêzer û perlamenterê serdema 27an a Mêrsînê ye ku bi eslê xwe tirk e.

Ali Mahir Başarır

Endamê Meclîsa Mezin a Neteweyî ya Tirkiyeyê Mersin (en)
dp. 7 tîrmeh 2018

Jidayikbûn	1975 Tarsus
Hevwelatî	Tirkiye
Pîşe	Siyasetmedar
Partiya siyasî	Partiya Gel a Komarî (dp. 1992)

Jînenîgarî

Ali Mahir Başarır di 3ê îlona sala 1975an de li Tarsusa Mêrsînê ji dayik bûye û dibistana seretayî, navîn û lîseyê li Tarsusê xwendiye. Xwendina xwe ya zanîngehê ji Fakulteya Hiqûqê ya Zanîngeha Marmarayê xwendiye û li heman zanîngehê di beşa Hiqûqa Giştî de mastera xwe qedandiye.

Li Stenbolê dest bi parêzeriya dike û li Kulûba sporê ya Maltepe û Kulûba sporê ya Kartalê wek rêveber xebitiye.

Piştî ku Partiya Gel a Komarî ku piştî Derbeya 12ê îlonê hat girtin û careke din dîsa ku di sala 1992an de hate vekirin, di nava rêxistina navçeya Tarsûsê de cih girt û dest bi jiyana siyasî ya aktîf kir. Başarir ku di hilbijartinên giştî yên sala 2011an de cara yekem dibe namzeta parlamenteriya Mêrsînê, di hilbijartinên giştî yên 24ê hezîrana sala 2018an de weke parlamenterê Mêrsînê tê hilbijartin. Di 37em Kongreya Asayî ya Partiya Gel a Komarî de ku di 25-26 tîrmeha sala 2020an de pêk hat de wek endamê Meclîsa Partiyê hatiye hilbijartin û li meclisa Tirkiyê ye wekî endamê Komîteya Destûra Bingehîn a Meclîsê kar dike.