Partiya Dad û Geşedanê

Partiya Dad û Geşedanê (bi tirkî: Adalet ve Kalkınma Partisi, bi kurtasî; AKP) yek ji partiyên siyasî yên Tirkiyê ye. Ev partî xwe wekî partiyeke şopparêz a navend-milê rastê di keskesora siyasî ya Tirkiyê da dide naskirin. Hevrikên wê vê partiyê wekî partiyeke ne bi awayekê fermî Îslamî didin niyasîn ko bizavê dike di çarçoveya nijara bi-rijdî sekûlara Komara Tirkiyê da xebata xwe bimeşînit.

Partiya Dad û Geşedanê Adalet ve Kalkınma Partisi
Partiya siyasî
Dewlet	Tirkiye
Dema avabûnê	14 tebax 2001
Damezrîner	Recep Tayyip Erdoğan
Cihê damezrandinê	Enqere
Serok	Recep Tayyip Erdoğan (2017–)
Sekreterê giştî	Fatih Şahin
Cihê baregehê	Enqere
Hj. endaman	10.100.083 (2018) 11.157.656 (2021) 11.241.230 (2023) 11.041.464 (2024)
Nerîna siyasî	Milê rastê
Îdeolojiya siyasî	Economic liberalism, Neo-Osmanîperestî, Conservative democracy, kevneperestiya sosyal, national conservatism, centralism, Erdoğanism û Gumankeriya ser Ewropayê
Nimreya telefonê	+90-312-204-5000
Malper	www.akparti.org.tr/en www.akparti.org.tr/ www.akparti.org.tr/ar
biguhêre - Wîkîdaneyê biguhêre

Kurtiyek

Ev partî xwe şopparêzeka nerim-rê didit niyasîn. Vê partiyê di hilbijartinên parlemanî yên Tirkiyê li 22ê Tîrmeha 2007ê da 46.3% kursiyên parlemana Tirkiyê (340 kursî) bi dest ve anîn. Bi berhevdanana kursiyên wê di hilbijartinên sala 2002ê da, zêdebûneka berçav di kursiyan da peydakiriye. Li sala 2002ê tenê 34% ji kursiyan bi dest xistibûn.

Serokê partiyê, şaredarê berê yê Stembolê, Recep Tayyip Erdogan e ko niha serokwezîr e.

Dîrok

Kevne-endamên Partiya Refahê ev partî pêk anî. Partiya Refahê jibo demeka kin li sala 1996ê hukmeteka hevalbendane pêk anî, lê li sala 2000ê ji aliyê Dadgeha Bilind ya Qanûna Bingehîn bi tawana bizava jibo nehêlana sîstema sekûlara Tirkiyê hat berbendkirin.

Komeka endamên şopparêzên nerim-rê di Partiya Refahê ya berbendkirî da, ko bi Yenilikçiler (anko "guhartinxwaz") dihatin niyasîn, li 14ê Tebaxa 2001ê, Partiya Dad û Geşedanê damezirand. Bizava wan jibo xweşkirina biyava şopparêziyeka nerim-rê di sîstema sekûlar ya demokratîk ya Tirkiyê da bû. Li dema damezirandina partiyê da, Recep Tayyip Erdoğanî got ko kurî ya partiyê dîn nîne.