Piyaza zeytûnê

Piyaza zeytûnê navê seleteyeke pêjgeha kurd e. Herwiha di pêjgeha ermenî, pêjgeha îtalî û pêjgeha balkanî de cihê wê heye.

Zeytûn seleteyan çêjdar dike. Seleteyên herî bitehm ên Kurdistanê, yên herêma Soranê ne. Dîsa seleteyên rojhilatê Kurdistanê jî ji aliyê dewlemendiya biharbêhn û melzemeyên xwe ve gelek navdar in. Li bakurê Kurdistanê jî seleteyên gelek bitehm tên xwarin.

Berkeliya pîyaza bi zeytûn a Dîlokê

• 25 gr gûz (kakilê wê)
• 100 gr tirşîna zeytûna kesk a bi îsota sor
• 1/4 SA (stekana-qedeha avê) pîvaza hûrkirî
• 2 dd (dendik) sîr
• 1 KŞ (kevçiyê şîraniyê) dimsa (mot) hinarê yan ava hinarê
• 1 KX (kevçiyê xwarinê) dendikên (hundirê) hinarê
• Li ser daxwazê 2-3 ta bexdenûs (kêm an zêde jî dibe)

Çêkirin

Zeytûn, bexdenûs, pîvazê yeko yeko hûr bikin, sîrê bikutin. Hemiyan tevlîhev bikin. Li binikên xwarinê belav bikin. Ava hinarê biser de bikin û bi hebikên (dendikên) hinarê binikan bixemilînin.