Yaşar Kemal: Cudahiya di navbera guhartoyan de

'''Yaşar Kemal''' (z. [[6'ê kewçêrê|6ê kewçêra]] [[1923]], [[Osmaniye]] – m. [[28'ê reşemiyê|28ê reşemiya]] [[2015]], [[Stembol]]<ref>[http://anfkurdi.com/rojane/yasar-kemal-jiyana-xwe-ji-dest-da ''ANF'': Yaşar Kemal jiyana xwe ji dest da]</ref>), li navçeya [[Osmaniye]]ya [[Edene]]yê, li gundê [[Hemite]]yê ji dayîk bûye. Navê wî yê di nasnameyê de, [[Sadik Kemal Göğçeli]] ye. Bi eslê xwe kurdê gundekî [[Bêgirî|Bêgiriya]] Wanê ye, nexasim di romannûsiya bi [[tirkî]] de, zimanê tirkî gihandiye asteke gelekî bilind. Piştî [[Şerê cîhanî yê yekem]] malbata wî tev koçî Edeneyê, Osmaniyeyê kiriye. Di biçûkiya xwe de, çavekî xwe winda kiriye.

Di dema dibistana navîn de, têkiliya wî ya bi nivîsê re ew ber bi berhevkirina berhemên folklorê ve tê veda. Wê heyamê, helbestên wî di kovara [[Mala Gel]] a Edeneyê ya bi navê ''Kovara Nihêrînan'' de hatin weşandin. Di dibistana navîn, pola dawî de, dev ji dibistanê berda û karmendiya pirtûkxaneyan de xebitî. Di vê navê de, helbestên wî di kovarên wekî [["Ülke]]", [["Kovan]]", [["Millet]]" û [["Beşpınar]]"ê de derçûn.

Di sala 1951ê de hate [[Stembol]]ê, di rojnameya [[Cumhuriyet]]ê de, nivîskariya hevpeyvîn û pêkenokan kir. Bi hevpeyvîna bi navê ''Di Mezintirîn Çewlîga Dinyayê De Heft Roj'' ve Perrûya Taybet a Komelaya Rojnamevanan a Serkeftinê wergirt. Di sala 1952yan de, pirtûka wî ya bi navê [[Keleka Havînê]] hate weşandin. Romana wî ya pêşîn, [[Memedê Zirav]] di sala 1955an de derket. Di navbera salên 1955-1984an de 33 pirtûkên wî yên ku ji [[çîrok]], [[roman (wêje)|roman]], [[hevpeyvîn]] û [[bend]] û [[gotar]]an pêk hatine derketin. Di hevdeh saliya xwe de, cara pêşîn hate girtin. Di temenekê biçûk de, dest pê kir li tembûrê xist, [[dengbêjî]] kir, bû stranbêj. Bi dengbêjên herêmê re kete lecê.