'''Elî Teremaxî''' [[nivîskarekî kurd]] (z. [[1591-1592]] - m.?), nivîskarekî [[kurd]] e ku bi navê gundê xwe hatiye nasîn. Tarîxa jidayikbûn û mirina Mele Eliyê Teremaxî bi temamî ne kifş e. Tenê tê gotin ku ew piştî hezarê koçê de ji dayîk bûye. Niha pirtûkeke wî bi navê '''Serfa Kurmancî''' heye ku navê wî eşkere kiriye. Navê kitêba wî “Destûra Zimanê Erebî Bi Kurdî Digel Hinde Nimûneyêd Farisî û Kurdî" e û li ser rêçikên rêzimana erebî rawestiyaye lê ji bo ku şagirtên medreseyê baş tê bigihîjin nimûneyênen farisî jî dide ber xwe lê bi kurdî şirove dike. Tê de 33 xal hene ku her yekê awayekî cuda yê rêzimaniyê eşkere kiriye, minakan ji zimanê erebî û farisî wergirtine û bi kurdî re rûqal kirine.Her wiha Eliyê Teremaxî yekemîn rêzimannivîs û pexşannivîsê Kurd tê pejirandin. Ev pirtûka rêzimanê di [[Medrese]]yên [[Kurdistan]]ê de bi dersîtî demeka pirr dirêj hate xwendin. Ev pirtûk herî dawî ji aliyê [[Zeynelabidîn Zinar]] ve ji alfabeya erebî hatiye tipguhaztin ê ji aliyê [[PENCÎNAR]] Weşanxaneya Çanda Kurdî ve li Swêdê hatiye çapkirin.
