Retîkûlûma endoplazmî ya girûzî

Retîkûlûma endoplazmî ya girûzî (REG), beşa retîkûlûma endoplazmî ya ku rûxara wî bi rîbozom e, di bin mîkroskopa elektronê de girûzî dixuye, loma ev beş wekî retîkûlûma endoplazmî ya girûzî (REG) tê binavkirin.

Retîkûlûma endoplazmî ya girûzî
Retîkûlûma endoplazmî

REG ji cot qatên parzûnên navikê, ji ya derve dest pê dike, ber bi parzûna xaneyê di nav sîtoplazmayê de dirêj dibe. Ji ber ku li ser retîkûlûma endoplazmî ya girûzî (REG) de gelek rîbozom hene, REG di çêkirin, guhertin û veguhastina proteînan da kar dike. Di çêkirina parzûna xane û parzûna endamokan jî REG cih digire. Her çiqas proteîn di nav rîbozoman da tê çêkirin jî, a rast ev proteînên neçalak in, tenê zencîra asîdên amînî (a.a) ne. Gava zencîra asîda amînî ji plazmayê dikeve nav REG yê, hinek cureyên proteînan li vir diguhere û çalak dibe. Hin ji proteînên di nav REGê de di nav kîsikên hilgir ve ber bi heybera Golgî tê şandin. Hinek ji proteînên nav REG jî rasterast bi egzosîtozê ji xaneyê tên avêtin. Xaneyên pêdiviya wan pir bi enzîm û proteînan heye, pirtir REG lixwe digirin. Retîkuluma endoplazmî ya girûzî bi rîbozom, bi heybera Golgî, bi navik û ARNyê va têkildar e[1].

ÇavkanîBiguherîne