Cemal Ebdo

Cemal Ebdo (bi tîpguhêziya latînî ji erebî: Jamal Abdo), wekî Mîrê Hêkan jî tê nasîn, hunermend û wênesazekî kurd e. Ebdo ku di sala 1961ê de ji dayîk bûye, îro li Almanyayê dijî.

Cemal Ebdo
biguhêre - Wîkîdaneyê biguhêre

Jiyan

Hunermend Cemal Ebdo (Mîrê Hêkan) di 27ê gulana 1961ê de li gundê Til Kidîş (Tilgidîş) nêzîkî bajarê Dirbêsiyê li başûrê-rojavayî Kurdistanê ji dayik bûye.

Piştî bidawîkirina xwendina dibistanê di sala 1980î de, Mîrê Hêkan di sala 1981ê de berê xwe da Almanyayê. Li wê derê, wî di Zanîngeha FH-Aachen de dest bi xwendina bilind kir. Di 1988an de, wî xwendina xwe bi dawî anî û dîplom wergirt.

Di ber xwendina xwe re, Mîrê Hêkan di warê şanogerî û derhêneriyê de xebitî. Herweha wî demek dirêj dîlana balet û ya caz dikir û di vî warî de gelekî serkevtî bû.

Piştî xwendina xwe, Mîrê Hêkan di gelek waran de kar kir û bi taybetî di amadekirina hovk û dîkorên kanalên televizyonê yên almanî WDR û ARD de.

Hunera nûjen û modern roleke bingehîn di jiyana Mîrê Hêkan de dilîze. Ew bi enerjiyeke mezin û fantaziyeke xurt ramanên xwe di tabloyan de pêk tîne û ew li gelek welatên ewropî pêşkêş kirine.

Bîbliyografî

• Xemgînê Remo, Hevpeyvînek ligel Mîrê Hêka: Cemal Ebdo. Zanîn, 9 (1994).

Girêdanên derve

• Malpera Cemal Ebdo (Mîr Hêk)
• Hêka Jiyanê ^{Girêdana arşîvê 2004-07-01 li ser Wayback Machine}