Lence Xawê
Lence Xawê[1], bi tîpguhêziya inglîzî Lanja Khawe (jdb. 1993an li Silêmanî, Başûrê Kurdistanê), parêzer, nivîskar û femînîsteke kurd e. Ew damezrînerê Komela Sofya û kampanyaya medyaya civakî ya #KurdistanWomenPower e, di heman demê de damezrînerê civata Pana ye ji bo pêşîgirtin û kêmkirina êşên bêmalbûnê bêyî cudahiya zayendî.
Jiyana wê
biguhêreXawê di kanûna paşîn a 1993an de li bajarê Silêmaniyê yê Başûrê Kurdistanê ji dayik bûye.[2] Parêzer û çalakvanek mafên mirovan, Xawê bi jinên kurd yên ku ji bazirganiya zayendiyê û şîdeta nav malê rizgar bûne re kar kiriye.[3] Wê di sala 2016an de Komeleya Sofyayê damezrand da ku bi duçerxeyê pirtûkan bide jin û keçên ku nikarin pirtûkan bikirin.[1] Li gorî Xawê, proje xwendin û gihandina zanînê pêş dixe da ku jin baştir mafên xwe fam bikin.[2][4] Ne tenê dayîna pirtûkan ji bo rêxistinê kiryareke femînîst e - bikaranîna duçerxeyan wek navgîneke veguhaztinê jî gotineke femînîst e, ji ber ku hîna jî siwarbûna jinan li ser duçerxeyan ji bo wan wekî şerm tê dîtin.[4] Ji destpêka wê ve li Silêmaniyê, ev proje li bajarên din jî wek Hewlêr, Kerkûk û Helebce berfireh bûye.[2]
Xawê di sala 2017an de kampanyaya medyaya civakî #KurdishWomenPower damezrand, ku han da jinan ku wêneyên xwe li ser medyayên civakî parve bikin, li dijî vê ramanê ku wêneyên jinan li ser înternetê bi eslê xwe şerm in.[3] Di sala 2019an de, Xawê û Komela Sofya li Silêmaniyê konferansek derbarê tundûtûjiya zayendî saz kirin, ku cîgirê serokwezîr Qubad Talebanî jî tê de beşdar bû.[5] Ew hevnivîskara guldesteya Kurdish Women's Stories e ku ji aliyê Hûzan Mehmûd ve hatiye çapandin.[6]
Çavkanî
biguhêre- ^ a b "Keçên Silêmaniyê kitêban dighînin nav malan". Kurdistan24. 15 adar 2016.
- ^ a b c Mahmoud, Houzan. Kurdish women's stories (bi îngilîzî). Edmonton, Alberta. rr. 190–6. ISBN 978-0-7453-4114-9. OCLC 1119996903.
- ^ a b "Young Kurdish feminists make me hopeful for the future of the region". the Guardian (bi îngilîzî). 7 çiriya paşîn 2019. Roja gihiştinê 16 hezîran 2024.
- ^ a b "An interview with Lanja Khawe one of the cofounders of Sofia Girls group". Culture Project for Art, Feminism and Gender (bi îngilîziya amerîkî). Roja gihiştinê 16 hezîran 2024.
- ^ Bindel, Julie. "'As if she had never existed': The graveyards for murdered women". aljazeera.com. Roja gihiştinê 16 hezîran 2024.
- ^ "Kurdish Women's Stories". www.uap.ualberta.ca (bi îngilîzî).