Kazim Koyuncu

Kâzım Koyuncu (jdb. 7ê çiriya paşîn 1971 li Hopa, Artvîn − m. 25ê tîrmehê 2005 li Stenbol) hunermendekî laz bû û weke damezrînerê rocka lazî tê pejirandin.

Kazim Koyuncu
Kâzım Koyuncu
Jidayikbûn7ê çiriya paşîn 1971
Gundê Hopa, Artvîn
Mirin25ê tîrmehê 2005
Stenbol
Cureyê muzîkêDamezrînerê rocka lazî
PîşeStranbêj
Amûrgîtarîst
Malperwww.kazimkoyuncu.com
biguherîneBelge

KurtejiyanBiguherîne

Di sala 1992'an de wî bi hevalên xwe Cafer Gürsoy Tanc, Ugurcan Sezen, Zulfîkar Murat Dilek, Mahmut Turan, Metin Kalac û Mehmed Ali Baris Besli yekemîn koma rocka lazî Zuxaşî Berepe (bi kurdî: Zarokên behrê) avakir. Yekemîn albuma komê ya bi navê Va Mîşkunan (bi kurdî: Em nizanin) di sala 1995'an de, dûwemîn album Îgzaz (Diçe) jî di sala 1998'an de hatin weşandin. Albuma wan a dûwem di heman demê de albuma dawî ya komê bû.

Piştî belavbûna komê Kâzim Koyuncu di sala 2001'an de dest bi kariyera xwe ya solo kir. Hê nu dest bi serkeftinên muzîkî dikir ku di sala 2004'an de bijîşkan li canê wî yê ciwan kanser tespît kirin.

Kâzim Koyuncu di roja 25ê hezîranê 2005 de jiyana xwe ji dest da û laşê wî li gundê xwe yê ku tê de hat dunê hat defnkirin.

Muzîka wîBiguherîne

Meriv kare bêje ku di dengê Kâzim Koyuncu de girêdayiyeke bi xwezayê deryaya reş re heye: ev deng, weke hewa, ba û barana herêmê him qert e, him jî mîna sîsên li ser daristanên herêmê nerm e.

Muzîka wî guhdarvanan ewqas dixe bin bandora xwe ku, gava meriv çavên xwe digire xwe weke li Behra Reş hîs dike.

Piştî wefaatkirina wi, muzîka wî li hemû welêt dengveda û muzîka lazî û hemşînî gihande asteke populer. Bi rêya fîlma 'Auf der anderen Seite' (Yaşamın Kıyısında/Li Ber Qeraxa Jiyanê) ya derhênerê tirko-elman Fatih Akin dengê wî li Ewropa jî hate naskirin.

Di fîlmê de, gava strana Koyuncu ya bi navê 'Ben senî sevdugumî' (Tu ya ku min ji te hezkirî) tê leystin, petrolfiroşek bal dikişîne ser mirinên ji qanserê yên ku - li gorî herêmên din ên Tirkiyê - li dorên deryaya reş zêdetir pêk tên û mirina Kâzim Koyuncu bi felaketa Çernobîlê girêdide.

DîskografîBiguherîne

Digel Zuxaşî Berepe
Digel Grup Dinmeyen
  • 1996: Sisler Bulvarı
Albumên wî yên solo
  • 2001: Viya
  • 2004: Hayde
  • 2006: Dünyada Bir Yerdeyim (piştî mirina wî hate weşandin)