Ewr

Ewr (carina wek ewir an hewr jî tê nivîsandin; bi sanskrît, abhrá-, "ewrê giregir"; avesta, aβra-, "ewrê giregir"; farisiya navîn, abr; soranî, hewr; zazayî, hewr) diyardeyeke seqa û hewayê ye.

Ewrên kumulus

Cureyên ewran
Ewrên bilind
Ci: sîrus; Cs: sîrustratus; Cc: sîrokumulus
Ewrên navîn
As: altostratus; Ac: altokumulus
Ewrên nizm
Cu: kumulus; Sc: stratokumulus; St: stratus
Ewrên ku bi dirêjahî belavbuyî ne
Ns: nîmbostratus; Cb: kumulonîmbus

Ewr peyda dibin wextê hilma avê bi awayekî neberçav tê guhirîn ji bo awayekî berçav di çînên esmanî yên bilind de. Ewr ji dilopên hûrik ên avê û krîstalên cemedê pêk tê û jêderkên serekî yên berf û baran e.

Cureyên ewran

Mirov ewran di çar cureyên bingehîn de dabeş dike.

• Ewrên ku di çînên esmanî yên bilind de ne: sîrus (Cirrus), sîrostratus (Cirrostratus) û sîrokumulus (Cirrocumulus);
• Ewrên ku di çînên esmanî yên navîn de ne: altostratus (Altostratus) û altokumulus (Altocumulus);
• Ewrên ku di çînên esmanî yên nizim de ne: kumulus (Cumulus), stratokumulus (Stratocumulus) û stratus (Stratus);
• Ewrên ku ji bingeha xwe bi dirêjahî belavbûyî ne: kumulonîmbus (Cumulonimbus) û nîmbostratus (Nimbostratus).

Navên zanistî

Navên zanîstî yên ewran ji latînî çêbûne: sîrus û sîro- (Cirrus, anku gulî, pûrt), kumulus (Cumulus, anku rewake, lod), stratus û strato- (Stratus, belavbûyî, çînbûyî), nîmbus û nîmbo- (Nimbus, anku baran û gijlok û berf) û altus û alto- (Altus, anku bilind, berz).

Galerî

• 
  Ewrên kumulonîbus

Çavkanî

• Ferhenga Michael Chyet
• Ferhenga Zana Farqînî
• Neşwan Şukrî Hirorî. Binemayên cugrafiya giştî û cugrafiya Kurdistanê, 1. Spîrêz, Dihok.