Dîskrîmînasyon

Dîskrîmînasyon ango cudahîkirin, ji hêla birêveberî, sazûmanî yan mirovên din ve ji ber ku ji hev cûda ne xirabtir muemelekirina kesên din e. Dîskrîmînasyon dikare bandora xwe li ser astên pir cuda pêk bîne û di formên cihêreng de xwe xuya bike.

Merivekî afrîkî-amerîkî ji avdanka ji bo kesên reşik avê vedixwe, nêzikî salên 1939

Bêjenasî

Peyva dîskrîmînasyonê ji peyva îngilîzî ya discrimination ketiye kurdî. Di îngilîzî de wek discriminate herî pêşî di sedsala 17an de xuya dike. Ji peyva latînî ya discriminat- 'navbera tiştekî cudahî xistin' ji lêkera discriminare ji navdêra discrimen ji lêkera discernere tê.

Mînakên cudahîkirina mirovan

Dîskrîmînasyona struktûrî

Dîskrîmînasyon li ser struktûrên civakî yên ku dîskrîmînasyon bi cih tînin ava dibe. Wek mînak qezenca gelek jinan li Almanyayê ji bo karê eynî ya ji mêran kêmtir e.

Dîskrîmînasyona sazûmanî

Dîskrîmînasyon li ser struktûrên avahîyên gelemperî an dewletî ku dîskrîmînasyon bi cih tînin ava dibe. Wek mînak zarokên dêûbavên nexwendî di dibistanê de piranî rastî dezavantajî tên. Ji bo wan hîn zehmettir e ku wan bixwe bixwînin.

Dîskrîmînasyona pircarî

Kesekî ji ber gelek sedeman tûşî dîskrîmînasyona dibe, wek mînak, ji ber ku ev kes transseksûel e û salê xwe mezin e.

Dîskrîmînasyona rasterast

Dîskrîmînasyon li ser vê yekê ava dibe ku kesekî bê sedem ji kesekî din xirabtir muamele dibîne. Wek mînak, ofîsekî dewletê serlêdanê kesekî ji bo alîkariya kirêyê qebûl nake, ji ber ku ev kes bi zimanê Elmanî nizane.

Dîskrîmînasyona nerasterast

Dîskrîmînasyon li ser rêzikekê ku di mêzkirina yekem de ji bo her kes yeksan xuya dibe ava dibe. Bi mêzkirina duyem dibe zelal ku hinek kes tên dîskrîmîne kirin. Wek mînak, li ofîsa hemwelatiyê divê heywanan li derve bimînin. Ev şêrta bealî mîrovên biastengiyên çavê yên ku hewceyî kuçikekî alîkar in dîskrîmîne dike.