Zelal Gökçe

Zelal Gökçe
Zelal Gökçe
Jidayikbûn	Tetwan , Bidlîs , Bakurê Kurdistanê
Netewe	Kurd
Pîşe	Stranbêj
Malper	zelalgokce.com
	biguhêre

Zelal Gökçe (jdb. 1980 li Tetwan , Bidlîs^[1]^[2]^[3] , Bakurê Kurdistanê) stranbêjeke kurd e.

Perwerdehî

Wê di lîseya Pera Güzel Sanatlar (Hunerên Zelal ên Perayê li Stembolê) de ji aliyê hunermenda operayê Marsel Adamadze ve perwerdehiya şam stend. Piştre derbasî İTÜ Türk Musikisi Devlet Konservatuarı (Konservatuara Dewletî ya Muzîqeya Tirkî ya Zanîngeha Teknîkî ya Stembolê) bû û digel perwerdehiya dengê beşa Muzîka Gel a Tirkî qedand.

Xebatên wê

Kariyera muzîkî

Bû endama Koma Azad û di xebatên albûma duyem ya komê 'Bihûşta min' de cih girt. Wê di albûmên bi navê 'Şahiya Stranan 1 & 2' de kilamên gelêrî yên ' Ax lê Nûrê', 'Dera sorê' û 'Zara' xwend. Piştre di Koma Asmîn de weke solîst cih girt û digel komê tevlî festîval û konserên li derveyî û hundirî welat bû.

Herwiha, wê di albûma 'Homegrown Istanbul Volume 1' de strana 'Dilo' û di albuma 'On Dilde On Şarkı' (Bi deh zimanan deh kilam) de jî strana 'Qumrikê' xwend. Wê ji bo telenovelaya tirk a bi navê 'Seher Vakti' kilama 'Seher Vakti' strî. Li Îtalyayê di çarçoveya projeja 'Giriyên Jinan' de tevlî Festîvala Carovana bû. Di çarçoveya projeya Dîwana Dubeytî de ji bo helbestên Baba Tahîrê Uryan kilaman amade kir û di gelek konserên komê de çû ser dikê.

Albûma wê ya yekem: Solîn

Yekem albûma hunermendê ya bi navê Solîn di gulana 2012an de ji aliyê Kom Muzîkê ve hat weşandin. Albûm rêbaza jiyanê, destan, kilam, lorîn û evînên li Mezopotamya û Anatolyayê vedibêje û ji 11 berhemên hilbijartî pêk tê. Taybetiyeke albûmê ev e ku stranên bi zaravayên kurdî (kurmancî, soranî û kelhûrî) û stranên bi ermenî û yek jî bi tirkî tê de cih digirin.^[4]

Kariyera televîzyonê

Wê ji bo IMC TV xebat kir û di gel Burcu Yankin, Feryal Öney û Özlem Taner amadekarî û pêşkêşkeriya bernameya 'Kadinlarin dilinden' (Ji zimanê jinan) kir. Wê di belgefîlma alman a muzîkê ya bi navê 'Türkei - Die Kinder der Sonne' (Tirkiye - Zarokên rojê) de weke karaktereke sereke cih girt. Belgefîlm ji aliyê kanala alman Südwestrundfunk (SWR) ve tê amadekirin.

Girêdanên derve

Çavkanî

^ Duran, Şüheda (21 gulan 2022). "Zelal Gökçe Kimdir? Müzisyen Zelal". onedio.com (bi tirkî). Roja gihiştinê 18 nîsan 2023.
^ Ersan, Mustafa (21 gulan 2022). "Zelal Gökçe Kimdir?". maksatbilgi.com (bi tirkî). Ji orîjînalê di 18 nîsan 2023 de hat arşîvkirin. Roja gihiştinê 18 nîsan 2023.
^ "Zelal Gökçe kimdir, nereli, kaç yaşında? Zelal Gökçe neden gözaltına alındı?". gazetevatan.com (bi tirkî). Roja gihiştinê 18 nîsan 2023.
^ Hawarnet.com: Ji hunermend Zelal Gokçeyê yekem albuma solo, ji orîjînalê di 31 gulan 2012 de hat arşîvkirin, roja gihiştinê 27 gulan 2012

[1] Duran, Şüheda (21 gulan 2022). "Zelal Gökçe Kimdir? Müzisyen Zelal". onedio.com (bi tirkî). Roja gihiştinê 18 nîsan 2023.

[2] Ersan, Mustafa (21 gulan 2022). "Zelal Gökçe Kimdir?". maksatbilgi.com (bi tirkî). Ji orîjînalê di 18 nîsan 2023 de hat arşîvkirin. Roja gihiştinê 18 nîsan 2023.

[3] "Zelal Gökçe kimdir, nereli, kaç yaşında? Zelal Gökçe neden gözaltına alındı?". gazetevatan.com (bi tirkî). Roja gihiştinê 18 nîsan 2023.

[4] Hawarnet.com: Ji hunermend Zelal Gokçeyê yekem albuma solo, ji orîjînalê di 31 gulan 2012 de hat arşîvkirin, roja gihiştinê 27 gulan 2012

[1]

[2]

[3]

[4]