Xalê Cemîl yek ji kilamên dengbêjiyê ye navdare ku li ser keçeke piçûk a 14 salî didine Cemîlê çil û pênc saliyê mezin e. Keçik jê re dibêje "Xalê Cemîl".
Dengbêj Huseynê Farî jî vê kilamê dibêje[1]
| Xalê Cemîl wez gûne me
lo lo xalê Cemîl min bi heyrano
welle tu extiyarî dîno
Wez çarde me
lo lo Xalê Cemîl emrê teyê çûye çil û pêncî, Wez çarde me
lo lo Xalê Cemîl mal şewitiyê Tuyê ji min qerabe,
Wezê wez sond xwarî bê çare me
Xalê Cemîl mal şewitiyê
Wezê ne pariyê devê mirdarê fena Te me
Xalê Cemîl Wez gûne me
Xalê Cemîl digo lê lê werdem xanimê
sibe ye mino diyarê qerdîlekê
lê lê werdem xanima min heyranê qam kelekê lê meş werdegê
welle Tuyê gohê xwe mede qisew kaluka gotina şeytan û fesadiya lo fesadiya xelkê
bila Xwedê û tela biqedîne miradê min û werdem xanimê
şeveke nîvê şevê payizê heta şefeqê sibê bila wê çaxê li ser singê min peya be qasidê mîrata kor felekê,
de gidî lê lê gidî lê lê gidî lê werdemê dê gawirê bav Ecemê,
Ezê qasekî runiştama li kêlekê bila dîsa wa li cemê gidî lê lê werdemê
lo lo Xalê Cemîl mal xirabo welle Tuyê ji min qerabe Tu mezinî şûna xalê minî
Lo lo Xalê Cemîl Tu mezinî şûna bavê minî
Lo lo Xalê Cemîl Ez gede me mal xirabo welle Tu mezinî
lo lo Xalê Cemîl Tuyê nebe sebeba lo lo qedera minî
Xalê Cemîl wez gûne me
Xalê Cemîl lo wez birîndar im wez birîndarê destê kesê kalim.
|
