Mîtolojiya yewnanî: Cudahiya di navbera guhartoyan de

Di mîtolojiya Grekan de Maderexak (Gaia) xwedawenda yekemîn e. Mirovên ku li Grekîstanê dijiyan û bi axê jiyana xwe didomandin, ji ber ku pêwîstiya wan bi bereket û zayîna axê hebû xwedawenda yekemîn Gaia dihebandin. Van mirovan zayîna jinê û bereketa axê şibandibûne hevûdu, lewre jî sifateke mê dane axê.

 

 

Ji aloziya ku kaos jê re tê gotin sisê heyberên nemir afirîn; Gaia (Maderexak), Tartaros (Tariya Binê Erdê) û xwediyê delaliyeke bêpayan, tîmsalê evînê Eros (Evîn). Paşê Gaia bêyî ku xwediyê mêrekî be Uranos afirand û pê re zewicî. Bo ku wê werbigire û wê biparêze ew bi xwe re yeksan kir. Û ew kire bavê asîmanan. Bi vî awayî binê erdê (Tartaros), xak (Gaia), evîn (Eros) û asîman (Uranos) afirîn. Ji zewaca Gaia û Uranos sisê zarokên nemir ên pêşîn çê bûn; Dêwên Sedmil. Her dêwek xwediyê pêncih serî û sed milî bû. Piştî van jî sisê zarokên yekeçav ku ji wan re Kyklop tê gotin, çê bûn.

Paşî xwedayan ji bo ku desthilatdariya xwe bibijêrin peşk avêtin. Ji Zeus re xwedahiya asîmanan, ji Poseidon re xwedahiya deryayan, ji Hades re jî xwedahiya binê erdê derket. Zeus bi xweha xwe Hera re zewicî û ew bû xwedawenda zewac û zayînê. Hestia bû parêzvana malbatê. Demeter bû xwedawenda bereket û çandinê. Zeus bû bavê xwedayên din jî paşî; Athena, Apollon, Artemîs, Persephone, Ares û Hephaistos. Bi vî awayî dawî li desthilatdariya Tîtanan hat û desthilatdariya xwedayên nû dest pê kir.

[[Wêne:Poseidon sculpture Copenhagen 2005.jpg|thumb|300px|''Poseidon'']]

== Vebêjeyeka mîtolojîk ji yên grekan: Nivîsa estûr ==