Seleteya bazirganan

Seleteya bazirganan, seleteya savarê cure seleteyek ji pêjgeha kurd e.

Çima gotine seleteya bazirganan?Biguherîne

Tê gotin bazirganên kurd diçûne welatên biyan, xwaringehan, selete dixwestine. Dema selete dihatibûye ber wan ji garsonan daxwaz dikiribûne ku hinekê jî savarê bixin navê û ev selete wisa derketiye holê. Lêkolîneke zanistî nehatiye kirin, ev tenê gotin û vegotînên ji wêjeya devkî ne. Pirranî jê re seleteya savarê dibêjin.

BerkelîBiguherîne

  • 2 stekan (qedeh) savar
  • 2-3 îsota dirêj
  • Seriyek pîvazê
  • Seriyek pîvaza sor
  • 5-6 ta pîvaza heşîn
  • 2 fringî (bacana sor)
  • 7-8 incare (xiyarên tirşiyê)
  • Nîv qevçe (baq, pirnag) bexdenûs
  • Lîmon
  • Rûnê ron (rûnê zeytê baştir e lê me mecbûrî ye)
  • Xwê
  • Îsota tûj

ÇêkirinBiguherîne

  • Savarê (bulxur, girar) têxin badiyekê, du tilî ser re avê berdin navê, heya nerm bû bidin sekinandin.
  • Pîvazan bişelînin, wekî zarên nerdê tîke bikin. Di nava rûnbirêşkê de biqijilînin.
  • Ji ser agir daynin, bidin sarkirin.
  • Bexdenûsê amade bikin, tîke bikin.
  • Pîvazên heşîn hûr hûr tîke bikin.
  • Îsota dirêj û tirşiyê ziravane bibirrin.
  • Fringiyan wekî zarê nerdê, pîvaza sor jî xelekane bibirrin.
  • Hemiyan bixin nava badiyeke mezin, savar û pîvazên sorkirî tevlîhev bikin.
  • Ava lîmonê, xwê, îsota tûj û rûnê zêde berdin ser, tevdin.
  • Bînin ser destexaneyê (sifreyê)