Sardar Kestay

Sardar Kestay
Sardar Kestay
Jidayikbûn	sala 1973; Dihok, Kurdistan
Pîşe	Wênesaz
Salên çalak	1994 - niha
	biguhêre - Wîkîdaneyê biguhêre

Sardar Kestay (jdb. 1973, Dihok, Başûrê Kurdistan) wênesazekî kurd ê hunera nujên e.

Stîl

Nîgarên wî

Sardar Kestay bi hunera xwe motîfên ji çand û folklora kurdî bi stîleke nujên a wênesaziyê re girêdide û bi vê yekê sentezeke bêhempa tîne ziman, ji ber ku ew elemantên folklorîk bi rêya stîla abstraksyonê dike mijarê hunera xwe.

Di dîmenên xwe de, ew bi zanebûn xwe ji nîgarsaziya naturalîstîk dûr dixe, lewra şekl û kontûran dide helandin û li şûna wan bêhtir cih dide rengên xûrt: Ji ber vê ye ku di dîmenên wî de rengên ronî rolekî taybet dilîzin.

Motîfên herî bijare yên dîmenên wî jinên kurd ên di cil û bergên gelêrî de ne: Carna jinên ku govendê dikişînin, carna jî portreya jinên kurd ên bi kofiyên rengdar. Herwiha, di nava dîmenên hunermendê de motîfên cesûrtir jî hene, wek jinên tazî yên di pozên femînîn de - ku evya tabûyeke di nava civaka kurd de bi awayeke hunerî şirove dike.

Lê motîfên xwe giş li ser nexşeyeke surrealîstîk hatine boyax kirin: Nexşeya bingeh a dîmenan ji lekeyên cur bi cur ên boyaxan pêk tê, ku hinek ji wan meztir, hinek jî biçûktir in, lê sînorên wan giş dikevin nava hev û bi vî havî kompozîsyoneke gelek dînamîk derdixin holê.

Karîkaturên wî

Serdar Kestay bi karîkaturên xwe yên li ser navdarên kurd jî gelek nas e. Wî gelek hunermend, siyasetmedar û navdarên din ên kurd wek karîkatur boyax kiriye û karîkaturên wî gelek rastiya ecibandinê hatine. Taybetiya karîkaturên Serdar Kestay ev e ku wî cara ewil bi awayeke berfireh navdarên kurd kiriye mijar û wek katîkatur portre kiriye. Hêjayî gotinê ye ku koleksyona wî ya karîkaturan ya herî mezin a derheqê navdarên kurd e.

Li ser navê wî, cend pêsangehên taybet ji bo koleksyona karîkaturên wî hatine vekirin.

Pêşangeh

Yên taybet

1994: Yekemîn pêşangeha karîkaturên wî li Dihokê
1995: Duwemîn pêşangeha karîkaturên wî li Dihokê
1996: Sêyemîn pêşangeha karîkaturên wî li Dihokê
1997: Caremîn pêşangeha karîkaturên wî li Dihokê
1998: Pêncemîn pêşangeha karîkaturên wî li Dihokê
2005: Pêşangeha nîgarên wî yên boyaxê li Dihokê
2006: Pêşangeha taybet a karîkaturan li Swêdê
2009: Pêşangeha portreyên karîkaturan a bi navê "Kurdên navdar" li Dihokê.
2010: Pêşangeha portreyên karîkaturan a bi navê "Kurdên navdar" li Zaxoyê
2010: Pêşangeha portreyên karîkaturan a bi navê "Kurdên navdar" li Amedê
2012: Pêşangeha bi navê "Body, grief and rain", Dihok
2013 Pêşangehek li Dom Gallery Merseburg, Elmanya

Yên giştî

1998-2011: Tevlîbûna Duhok Gallary
1998-2005: Tevlîbûna Kurdistan Gallary li Hewlêr
2001-2006: Tevlîbûna Zamwa Gallary li Silêmanî
1998-2005: Tevlîbûna pêşangehên li Dihok û Hewlêrê
2001-2002: Tevlîbûna pêşangeha "Karîkaturîstên Dihokê"
1998: Tevlîbûna Kurdistan Gallary li Hewlêr
2000: Tevlîbûna pêşangeha International Red Cross Exhibition of Posters, li Dihok, Hewlêr û Silêmanî
2000: Tevlîbûna pêşangeha UNESCO Art Exhibition li Hewlêr
2000: Tevlîbûna pêşangehên Zamwa Gallary li Silêmanî
1997-2000: Tevlîbûna pêşangehên li Zaxo û Hewlêr
2001: Tevlîbûna pêşangehên li Dihok û Silêmanî
2005: Tevlîbûna du pêşangehên li ser karîkaturan li Dihok
2005 Tevlîbûna "Badirkhan Caricatures Festival Art Exhibition" li Dihok
2005 Dayîna kursekê li Koye Gallery
2005: Tevlîbûna pêşangeha li ser qurbanên Enfalê li Silêmanî
2005: Tevlîbûna "Second Festival of Kurdistan Artists Union" li Dihok, Hewlêr, Silêmanî û Kerkûk
2005: Tevlîbûna pêşangeha karîkaturan li Misirê
2005: Tevlîbûna pêşangeheke bi navê "Common" li Dihokê
2005: Tevlîbûna pêşangeha karîkaturên hunermendên îraqî li Bexdayê
2006: Tevlîbûna pêşangeheke sê hunermendên hilbijartî li Hewlêrê
2006: Tevlîbûna 3'mîn Festîvala Bedirxan bi pêsangeha karîkaturan li Hewlêrê
2006: Tevlîbûna bernameyeke bi navê "Nêrînek ji welat" li Dihok
2008: Tevlîbûna yekemîn Festîvala Nîgarsaziyê ya Kerkûkê
2009: Tevlîbûna bernameyeke hunerî ya hunermendên ihokê
2011: Tevlîbûna pêşangeheke hunermendan li Hewlêrê
2011: Tevlîbûna Festîvala Gelawêj li Silêmanî
2012: Tevlîbûna bernameyeke hunermendên Dihokê