Murat Bozlak
Murat Bozlak (jdb. 30ê kanûna pêşîn 1952 li Şereflikoçhisar, Enqere; m. 4ê kanûna paşîn a 2015) siyasetmedarekî kurd bû ku di nav çend partiyên siyasî de çalak bû. Bozlak bû serokê Partiya Demokrasiya Gel (HADEP) û endamê Meclîsa Mezin a Neteweyî di dema xwe di Partiya Demokratîk a Gelan (HDP). Bozlak siyasetmedarekî kurd[1] û endamê damezrîner ê Partiya Sosyal Demokrat (SODEP), Partiya Populîst a Sosyal Demokrat (SHP), Partiya Kedê ya Gel (HEP), Partiya Demokrasiyê (DEP) û HADEPê bû. Her du partiyên pêşî hatin hilweşandin û sê yên dawîn jî ji aliyê dadgeha destûra bingehîn a Tirkiyeyê ve hatin qedexekirin.[2][3]
| Endamê Meclîsa Mezin a Neteweyî ya Tirkiyeyê Adana (en) | |
|---|---|
| heta an |
| Jidayikbûn | |
|---|---|
| Mirin | |
| Cihê goristanê | |
| Hevwelatî | |
| Perwerde |
Ankara University Law School (en) |
| Pîşe |
Jiyana berê û xwendin
biguhêreBozlak ji Fakulteya Hiqûqê ya Zanîngeha Enqereyê mezûn bû û paşê wek parêzerê serbixwe xebitî.[4]
Kariyera siyasî
biguhêreDi Sibata 1994 de, dema ku ew sekreterê giştî yê DEPê bû, Bozlak li Enqere ji sûîqestekê rizgar bû.[5] Piştî binçavkirina wekîlên DEPê di Adara 1994an de û girtina DEPê, di Gulana 1994an de partiya HADEPê hat damezrand.[3] Di Mijdara 1998an de, piştî ku Îtalyayê red kir ku Abdullah Öcalan radestî Tirkiyeyê bike, bi dehan endamên HADEPê yên din hatin binçavkirin û bi hinceta ku li dijî nêzîkatiya Tirkiyeyê ya li hemberî pirsgirêka kurd a Tirkiyeyê piştgirî daye greva birçîbûnê ya li seranserî welat hatiye sûcdarkirin.[6] Di heman mehê de ji ber axaftinên ku di sala 1993an de kiribû, hat girtin û salek cezayê girtîgehê lê hat birîn.[6] Çend endamên parlementoya Brîtanyayê yên li derdora Jeremy Corbyn ev girtin şermezar kirin û diyar kirin ku Bozlak ji bo pirsgirêka kurd û tirk tenê bi muzakereyan çareseriyek peyda kiriye.[7] Bozlak di nîsana 1997an de karîbû ji girtîgehê derkeve.[8] Di Îlona 1999an de di demeke kurt de serokatiya HADEPê radestî Turan Demir kir.[3] Piştî ku Demîr ji ber propagandaya terorê 10 meh cezayê girtîgehê lê hat birîn, di kongreya 4emîn a partiyê de di Mijdara 2000î de dîsa dest bi serokatiyê kir.[9] Ji bo hilbijartinên giştî yên Çiriya Paşîn 2002, di xema qedexekirina partiya HADEPê de, ji serokatiya wê îstifa kir û tevlî Partiya Gel a Demokratîk (DEHAP) bû.[10] Lê namzediya wî ya parêzgeha Diyarbekirê ji aliyê rayedarên tirk ên hilbijartinê ve hat betalkirin.[10] Li şûna wî hevjîna wî Zeycan Bozlak bû namzeta DEHAPê ya Amedê.[11] HADEP di Cotmeha 2003an de ji aliyê Dadgeha Destûra Bingehîn a Tirkiyeyê ve hat girtin û Bozlak 5 salan ji siyasetê hat qedexekirin.[3]
Di hilbijartinên Hezîrana 2011an de, Bozlak wek berendamê serbixwe yê Adanayê ji bo Bloka Ked,[12] Demokrasî û Azadiyê ya ku Partiya Aştî û Demokrasiyê (BDP) piştgiriya wê dike, ji bo parlementoya Tirkiyeyê hat hilbijartin. Di sala 2014an de Bozlak û 26 parlementerên BDPê tevlî HDPê bûn û piştî wê koma parlementoyê ava kirin.[13]
Pozisiyonên siyasetê
biguhêreWî anî ziman ku Kurdistan piştî Şerê Cîhanî yê Yekem bû çar parçe û ket nav "sîstema netewî-kolonyal" û mafê "xwerêvebirinê" ji bo kurdan parast.[14] Piştre jî xwest ku kurdên li Tirkiyeyê weke wan werina naskirin û destûr bê dayîn ku xwe bi awayekî demokratik bi rêxistin bikin.[14] Wî her wiha red kir ku pirsgirêka kurdan bi gelê tirk re heye, lê zêdetir bi dewleta tirk re heye.[14]
Jiyana taybet
biguhêreHeta Çileya 2015an weke parlementeriya Edeneyê kar kir û wefat kir. Wî merasîma ku bi kevneşopî ji bo wekîlên mirî li ber parlamentoya Tirkiyê tê lidarxistin red kir. Li şûna wê, di 6ê Çile de li ber avahiya DBP'ê ya Enqereyê merasîmek hat lidarxistin, beriya ku li gundê xwe bê definkirin.[15] Bozlak zewicî bû û bavê sê zarokan bû.[4]
Çavkanî
biguhêre- ^ Morris, Chris (25 sibat 2000). "Turkey jails Kurds and charges mayors". The Guardian (bi îngilîziya brîtanî). ISSN 0261-3077. Roja gihiştinê 21 çiriya pêşîn 2020.
- ^ "Murat Bozlak Kimdir ? - Murat Bozlak Hayatı ve Biyografisi". www.haberler.com. Roja gihiştinê 20 çiriya pêşîn 2020.
- ^ a b c d Fırat, Nuri; Yıldız, Yılmaz (3 gulan 2017). "Almost All Party Chairs Served Jail Term". Bianet. Roja gihiştinê 20 çiriya pêşîn 2020.
- ^ a b "Murat Bozlak Kimdir ? - Murat Bozlak Hayatı ve Biyografisi". www.haberler.com. Roja gihiştinê 21 çiriya pêşîn 2020.
- ^ Marcus, Aliza (2009). Blood and Belief: The PKK and the Kurdish Fight for Independence (bi îngilîzî). NYU Press. r. 226. ISBN 978-0-8147-9587-3.
- ^ a b "Reuters Archive Licensing". Reuters Archive Licensing (bi îngilîzî). Roja gihiştinê 20 çiriya pêşîn 2020.
- ^ "Arrest of Murat Bozlak - Early Day Motions - UK Parliament". edm.parliament.uk (bi îngilîzî). Roja gihiştinê 20 çiriya pêşîn 2020.
- ^ Barkey, Henri J. (1 kanûna paşîn 2000). Turkey's Kurdish Question (bi îngilîzî). Rowman & Littlefield Publishers. r. 95. ISBN 978-0-585-17773-1.
- ^ Cigerli, Sabri; Saout, Didier Le (2005). Ocalan et le PKK: Les mutations de la question kurde en Turquie et au moyen-orient (bi fransî). Maisonneuve et Larose. r. 200. ISBN 978-2-7068-1885-1.
- ^ a b Cigerli, Sabri; Saout, Didier Le (2005), pp.201–202
- ^ "Turkey's Constitutional Court Issues Ruling Against Pro-Kurdish HADEP - 2003-03-13 | Voice of America - English". www.voanews.com (bi îngilîzî). Roja gihiştinê 21 çiriya pêşîn 2020.
- ^ "ADANA 2011 GENEL SEÇİM SONUÇLARI". secim.haberler.com. Roja gihiştinê 21 çiriya pêşîn 2020.
- ^ "English :: HDP Forms Group in Parliament". Bianet. Roja gihiştinê 21 çiriya pêşîn 2020.
- ^ a b c Poulton, Hugh (1997). Top Hat, Grey Wolf, and Crescent: Turkish Nationalism and the Turkish Republic (bi îngilîzî). C. Hurst & Company (Publishers) Limited. rr. 240–243. ISBN 0-8147-6648-X.
- ^ "Veteran HDP deputy Bozlak passes away". Hürriyet Daily News (bi îngilîzî). Roja gihiştinê 21 çiriya pêşîn 2020.