Huseyîn Karakaş
Ev gotar bi zaravayê kurdiya zazakî (kirmanckî, dimilî) hatiye nivîsandin. Ji bo malpera zazakî, binêre: Wîkîpediya Kurdiyî zazakî (kirmanckî, dimilî). Ji bo lîsteya gotarên bi zazakî jî binêre gotara bi zazakî. |
Huseyîn Karakaş serra 1968 de, qezayayanê Sêwasî ra Qangal de, Dewa Derî (gund)de maya xo ra bîyo.
Heta çarês serriya xo dewe de mendo. Mekteb qedênayo, peyê cû ameyo Stenbol û karanê cîya-cîyayan de se karker gurîyayo. Wexto ke karkerîye kerda kewto mîyanê faalîyetê sendîkayan zî. Ey, hetê ra karkerîye kerda hetê ra zî xo bi xo wendo. Çi edebîyatê tirkan ra çi edebîyatê dinya ra bo zaf nimûneyî wendê. Tena eserê edebî ney, zaf eserê sîyasî zî wendê.
Heta serra 1991 mîyanê faalîyet û xoverrodayîşê karkeran de bîyo. 1991 ra pey kewto mîyanê têkoşînê xelisîyayîşê şarê Kurdistanî. 1996 de Stenbol de ameyo tepîştene û kewto hepisxane. Derheqê ey de seba dayîşê cezaya îdamî dawa ameya akerdene û na dawa hetanî serra 2006 dewam kerdo. Peynî de dewaya ey cezaya idamî ra çerixnaya cezaya muebbedî. Nika "Kocaeli 2 Nolu F Tipi Kapalı Cezaevi" de hepsî yo.
Huseyînî serra 1996 de dest bi nuştişî kerdo. Heta ewro kovaranê se Ütopya, Yurtsever Gençlik û rojnameyê Özgür Gündemî de nuşteyê ey bi tirkî, kovara Vateyî de zî hîkayeyê ey bi kurdkî (kirmanckî) vejîyayê. Hîkayeyê ke nê kitabî de yê, kovara Vateyî de vejîyayê.
Huseyîn bi tirkî zî hîkayeyan nuseno. Serra 2002 de "Musabeqaya Hîkaye û Şîîranê Tirkî ya Desine ya Hüseyin Çelebi" de seba hîkayeya xo xelata dîyine girewta.
Bi tirkî zî hikayeyê başî nuştê
biguhêreKitabê Huseyîn Karakaşî: Omid Esto
Deniz Gunduz
Hîkayeyê Huseyîn Karakaşî yê ke hepis de ameybî nuştene û Kovara Vate de neşir bîbî, se kitab çap biyê. Kitab de şeş hîkayeyî estê û nê hîkayan de Huseyîn Karakaş zîyadetir behsê cuyê dewijan keno. Bi ziwanêko weş behsê têkîliyan û derdanê înan keno.
Huseyîn Karakaş hîkayenuştiş de gelek ciraamaye yo. Tenê bi kirmanckî ney, bi tirkî zî ey zaf hîkayeyê başî nuştê. Aye ra serkewte yo. Ey “Musabeqeya Desine ya Hîkaye û Şîîran ê Huseyîn Çelebî” de seba yew hîkaya xo xelata dîyine girewta.
Cuyê Huseyînî gelek balkêş o. Hîna çarês serrî bîyo ke dewa xo ra vejîyo şîyo Stenbol. Stenbol de karanê cîya-cîyayan de sey karker xebetîyo û hetê ra kî mîyanê xoverdayîşê sendîkayan de cayê xo girewto. Çepgîriya tirkan ra dima mîyanê xoverdayîşê şarê xo de cayê xo girewto. Dima ra kewto hepis û cezaya îdamî girewta.
Ey mektebanê tirkan de tena mektebo verên wendo. Labelê ey hetê ra wendo, hetê ra zî nuşto. Hîkayê ey zî sey cuyê ey ê. Hîkayanê xo de behsê emegdaran keno. Behsê dinyaya înan a ke xeriba nê dewrî ya keno. Û behsê yew merdimê peyê kilîtan keno. O merdimo ke nêşîyeno (bese nêkeno) omidê (hêvî) xo name kero, webalê omidê xo ra terseno. Wazeno ke omidê ey bi xo rayîrê xo vejo.
Nameyê hîkayanê Huseyîn Karakaşî ke no kitab de ca grewto nê yê: “Xewf”, “Wayîrê Hêniyê Mamedî”, “Xopan”, “Serê Tumê Pîlî ra”, “Omid Esto” û “Tirankî”.