Deniz Gündüz

Deniz Gündüz romannuştoxêkê Kirmackî (kurdiya zazakî) yo.

Deniz Gündüz çeleyê 1976î de dewa Gimgimî Caneseran de ameyo dinya. Hema ke hîrêserre bîyo keyeyê înan bar kerdo, şiyê Uskira. Mektebo verên Uskira de wend. Mîyanên zî na dewe de dest pêkerd la Tetwan de temam kerd. Wendişê lîse zî, Bidlîs de dest pêkerd, Îzmîr de temam kerd. 1994 de Anadolu Üniversitesi ya Eskişehirî de qismê Tarîxê Hunerî (Sanat Tarihi) de qeyda xo viraşte labelê wendişê xo temam nêkerd. 1996 de Îzmîr de temsîlkariya Weşanxaneya Komalî kerde. Wexto ke no gure kerdêne, xo da xebata ziwanê kurdkî ser û dest pêkerd bi kirmanckî nuşt. Serra 2000î de romanê xo Kilama Pepûgî ke romano yewin yê kirmanckî yo, da weşanayîş. Serra 2003 de bi wasitayê Weqfa Kurdî ya Kulturî li Stokholmê Unîversîteya Upsala de yew termîn kirmanckî wende. Badê ke Swêd ra agêra, Îstanbul de Weşanxaneyê Vateyî awan kerd. Û êdî bi temamî xo da karê edebîyatî û weşangeriya kirmanckî ser. Kovara Vateyî ke Swêd de hetê Grûba Xebate ya Vateyî ra amade bena, Tirkiya de dano çape ro û vila keno. Heto bîn ra Weşanxaneyê Vateyî de hetanî nika 23 teneyê înan kirmanckî, 30 kitabî weşanayê.

Eser

Kilama Pepûgî, roman, Vejîyayîşê Vartanî, Enqere, 2000
Hîkayeyê Koyê Bîngolî, hîkaye, Weşanxaneyê Vateyî, Stenbol, 2004
Kırmancca/Zazaca Dil Dersleri, gramer, Weşanxaneyê Vateyî, Stenbol, 2006, [ISBN 97-5627-810-2]
[Soro, Roman, | Weşanxaneyê Vateyî]], Stenbol, 2010,

Grêdayêy Teberî

Netkurd ^{Girêdana arşîvê 2016-03-04 li ser Wayback Machine}

Referans

Kovara Tîroj hûmara 31.