Cem

Cem, ji peyva cemaetê (civat, kom) tê. Cem, di baweriya elewîtiyê, yarsantiyê û şebektiyê de, çalakiyek herî mihum e.

Cema elewiyan

Di elewîtiyê de ev çalakî, bi sê armancan tê pêkanîn.

1. Bi armanca dînî
2. Bi armanca hînbûna adet û usûlan
3. Bi armanca suhbetê.

Li gora hin lêkolîneran, cema pêşîn di dema Îmamê Caferê Adiq de pêk hatiye. Di cema dînî de, bi muzîkê îbadet tê kirin û mey tê vexwarin. Heya berê çend salan hemû cem, bi dizî dihatin çêkirin. Kesên ne elewî û yên ne bêsûc, nikarin têkevin cemê. Di ceman de, karê dinyewî jî tê muhakemekirin. Kesê xeydan, tê aştîkirin. Adet û usûlên dîn û civakî hînî ciwanan dikin.