Alfabeya Fonetîk a Navneteweyî ji bo zimanê kurdî

Alfabeya Fonetîk a Navneteweyî ji bo zimanê kurdî di vê tabloyê de hatiye diyarkirin.

Alfabeya kurdî	AFN	Mînak	AFN	Mînak
Aa	[ɑ]	agir, artêş, azadî, ar
Bb	[b]	ba, berx, bisk, bî
Cc	[ʤ]	car, ciwan, cî
Çç	[ʧ]	çêlek, çivîk, çûr	[tʃʰ].	çay, çeper, çi
Dd	[d]	derî, dil, don, dûr
Ee	[æ]	em, eger, evîn	[ʕ]	enîşk, ezman, egîd
Êê	[e]	êş, êrîş, êl
Ff	[f]	fem, firîn, fîl, feyde
Gg	[g]	gaz, ger, gêzî, gur
Hh	[h]	har, hêk, hirî, hûr	[ħ]	hal, hemam, heyf
Ii	[ı]	rik, birin, kirin
Îî	[i]	înî, îro, îşev
Jj	[ȝ]	jûjî, jin, jiyan
Kk	[k]	kil, kin, kevçî, kor	[kʰ]	ken, kûsî, kî, kanê
Ll	[l]	lîstik, lawik, ling
Mm	[m]	mast, masî, mîr
Nn	[n]	nan, nîvro, nû, niha
Oo	[o]	ode, ol, oldar
Pp	[p]	poz, perr, pêr, piştî	[pʰ]	pişîk, parsek, pak
Qq	[q]	qijik, qemer, qirik
Rr	[r]	roj, rê, rastî, rewş	[ɾ]	hirmî, tirî, dar, êvar
Ss	[s]	sêv, serî, sifir, sî
Şş	[ʃ]	şêr, şîv, şe, şahî
Tt	[t]	ta, tima, tirs, tendûr	[tʰ]	tî, têr, tor, toz
Uu	[y]	tu, didu, ku, ruh
Ûû	[u]	ûtî, ûris, ûnîversîte
Vv	[v]	vir, virrek, vazo, vala
Ww	[w]	werdek, welat, wir
Xx	[x]	xort, xanî, xêlî, xal	[ʁ]	axa, bax, qax, çax
Yy	[j]	yek, yasemîn, yar
Zz	[z]	zava, zêr, zeytûn
xw	[w̥]	xwerin, Xwedê, xwê
ng	[ŋg]	deng, reng, tengasî

* Dengên [ʕ], [ħ], [ʁ] ji zimanê erebî derbasî zimanê kurdî bûne, lewra zimanzanên kurdî wan dengan wek fonem nanirxînin. Dema ku şûna dengên [ʕ], [ħ], [ʁ] dengên kurdî [æ], [h], [x] tên bikaranîn wateya gotinan nayê guhertin (îstîsna: hûr [huɾ] – ango biçûk û hûr [ħuɾ] – hundurê zikê mirov û ajalan. Bi pêşkeftina wêjeya kurdî dengên kurdî yên resen [æ], [h], [x] careke din tên vejiyandin.

Çavkanî

• Kurdoyev Q.K. Грамматика курдского языка (корманджи) М.-Л., Академия Наук СССР, 1957 г. ^{Girêdana arşîvê 2014-10-07 li ser Wayback Machine}.
• Gîlyarevsky R.S., Grîvîn V.S. Определитель языков мира по письменности. М., 1961 ^{Girêdana arşîvê 2015-04-02 li ser Wayback Machine}.