Şorbeya mirîşkê

Şorbeya mirîşkê, avsîra tûtikê, şorbeya kergeyê, germiya mirîşkê yek ji şorbeyên navdar e ku di pêjgeha kurd de herwiha cihê xwe girtiye.

Standardeke vê şorbeyê nîne

Ferhengok

• Balûk an balûl, ji paşiya mirîşkê re dibêjin, anûsa mirîşkê
• Tûtîk, kerge, mirîşk hevwate
• Mirîşka avî, mirîşka reş, mirîşkbejik ûêd cureyên vê ajalê ne
• Dîk, heke, dîkil, kelebab, keleşêr hevwate ne, mirîşkên nêr in
• Cûcik, lîçik, leyîr, çêçik, çîçik, çêlikên ajalên malê

Berkeliya (melzemeyê) şorbeya mirîşka ya Semsûrê

• 2 SA (stekana-qedeha avê) ard (arvan)
• 2-3 dd (dendik) sîr
• 150 gr ji singê mirîşkê
• 1 hêk
• Sirke
• 1 SA mast
• Xwê (solin)
• Îsota sor (îsota tûj, îsota pûlpelî)

Çêkirin

Quşxaneyê bînin, mast û ard berdinê. Hêkê biçelpînin nava mast, 3-4 SA avê berdin ser. Goştê mirîşkê yê hûrkirî û sîra kutayî tevlî bikin, bikelînin.

Kel bidawî bû rûnê nivîşk û sirkeyê tevlî bikin. Îsota tûj û xwêyê jî pê werbikin, bînin ser destexaneyê (sifre).