Kîklop

Kîklop (bi yewnanî: Κύκλωπες (pirjimar)) di mîtolojiya yewnanî de cinsekî dêwan e. Zarokên Ûranos û Gaiayê ne. Kîklopan di eniyên xwe de bi tenê yek çav he ye. Jixwe navên wan tê wateya yek çavê. Karên hêsin û keviran dikin ji ber ku gelek bi quwet in. Rijdbûna wan jî ji ber xebatên wan peyda dibe.

Kîklop Κύκλωπες
Agahiyên kesane
Dê û bav	Ûranos  (bav) Gaîa  (dê)
biguhêre - Wîkîdaneyê biguhêre

Peykerê kîklopekî

“

Piştre ax (Gaîa), kîklopan za, bi dilên har,

Brontesê, Steropesê û Argêsê serqeda,

-ku ew dabûn Zeusê birqan û brûskan-

Bi her awayê dişîban xwedawendan ew

Lê tenê çavekî wan hebû di enîya wan da.

Yek çavê wan dabû wê navê ji wan re,

Her dem dijwar û serkeftî bûn karên xwe de. (140-145)

” — Teogonîa- Hêsîodos

Piranî li ser ocaxa hesinê û alikariya xwedawend Hêfestos têne teswîrkirin. Tê bawerkirin ku dengên ji volkanan tên dengê xebatên kîklopan e.

Ûranos wan û hekatonxîran Tartarosê heps kiriye. Pir quwet bûn û xeter bûna wan bûye sebebê hepskirina wan. Zeus piştî Şerê tîtanan wan ji Tartarosê rizgar kiriye û wan azad kiriye.

Ji xeynî Brontes, Steropes û Argêsê Kîklopên din jî heye lê ew cinsekê din in û wek Kîklopên genc tên binavkirin. Kîklopên di nav Odîseyayê tê behskirin ji wê cinsê re mînak e.

Hin kîklopên navdar

• Argês
• Brontês
• Polîfêmos
• Steropês