Risaleyekê di behsa şaîr û musenefên di Kurdistanê: Cudahiya di navbera guhartoyan de

Ev rîsale ji aliyê Mela Mehmûdê Bazîdî ve bi piştgiriya Alexsandre Jaba di nîveka sedsala XIXem de hatiye nivisandin. Piştî ku li Ewropa xebatên li ser Kurdolojiyê di sala 1789an de bi gramera Garzoniyê Îtalî dest pê kiriye ne bi gelekî, di nîveka pêşîn a sedsala XIXan de Rûsan jî dest avêtine Kurdolojiyê. Di vê demê de Akademiya Rûsîstanê, balyozê Rusîstanê yê Erzeromê A. Jaba (1800-1891), bi komkirina berhemên Kurdî û

rêkirina wan bo Rüsistane wezîfedar kirine. Jaba, li Erzeromê 17 Salan jiyaye (1848-1866) û bi arîkariya melayên Kurdan ên weki Mele Mehmûdê Bazîdî, Taha Hecî Ebdulezîz, Mihemed Xerib Silêman, Şah Neze, Mela Mihemed, Hesen Hekîmbaşî û Mihemedê Muksî li ser destnivîsên Kurdî gelek xebat kirine.

Di vê rîsaleyê de derbareyê heşt helbestvanên Kurd de agahî hene. Ev helbestvan jî ev in; Eliyê Herîrî, Melayê Cizîrî, Feqiyê Teyran, Melayê Bateyî, Ehmedê Xanî, Mela Îsmaîlê Bazîdî, Şerefxan û Muradxanê Bazîdî. Çawa ku tê dîtin di rîsaleyê de tenê helbestvanên Kurdên Kurmanc cih girtine. Bi qasî ku tê zanîn ev rîsale yekem xebata biyografik e ku derheqê helbestvanên Kurdan de hatiye amadekirin. Herçiqas rîsaleyeke biçûk jî be, ji ber ku di vî warî de xebata ewilîn e zehf bi qîmet e. Dîsa herçiqas rîsale hatibe çapkirin jî, ji ber ku di serdema klasîk de hatiye amadekirin û agahiyên wê ji aliyê

melayekî klasîk ve bi terzê berê hatine dayîn em về rîsaleyê wekî tezkîreyeke biçûk ku bi terzê tezkîreyên rojhilatê hatiye nivîsandin dihesibînin.<ref>Adak, A. (2015). Destpêka Edebiyata Kurdî ya Klasîk (Vol. 3). Istanbul: Weşanxaneya Nûbihar.</ref>

==Çavkanî==

{{çavkanî}}