'''Firat''' an '''Ferat''' [[rûbar]]ekî mezin yê [[Kurdistan]]ê ye û ligel rûbarê [[Dîcle]] yek ji rûbarên mezin ên [[Mezopotamya]] ye. Ev herdu rûbar avên mezin û girîng in.
FiratFerat ji çemên [[Mûrad]] û [[Avareş]] pêk tê. Avareş, ji çiyayên bakurê bajarê [[Erzirom|Erzeromê]] dertê. Mûrad jî, ji çiyayên bakur ên [[Gola Wanê]] dize. Her du nêzîkî [[Keban|Kebanê]] tên ser hevdu û ji wir şûn ve navên wan dibe FiratFerat. FiratFerat, di gelî û navrastên [[Elezîz]] û [[Meletî]] de ber jêr dadikeve. Di navbera [[Amed]], [[Semsûr]] û [[Riha]] de wekî marekî vetil dide û dikeve deşta [[Dîlok]]ê. Di navbera deşta [[Tilbişar]] û berîye [[Harran]]ê de dikeve Rojavayê Kurdistanê. Firat, çemê Kurdistanê yê herî dirêj û bi av e. Ew 2.800 km dirêj e. 1.100 km di nav axa Kurdistanê de derbaz dibe û li Îraqê ew û Dîjle dibin yek. Navê wî dibe [[Yekava Ereb]].
