Plazmaya xwînê: Cudahiya di navbera guhartoyan de

[[Wêne:FreshFrozenPlasma.JPG|thumb|300px|Plazmaya xwînê şileyek zerokî ye]]

'''Plazmaya xwînê''' an jî '''plazma''' şileyek bi rengê zer e. Xirokên sor, xirokên spî û [[perikên xwînê]] di nav vî şileya zerokî de tên veguhastin. %55 ê xwînê ji plazmayê pêk tê. Ji bilî xaneyên xwînê, plazma gelek madeyên din jî lixwe digire. [[Proteîn]], [[dijaten]], [[asîdên amînî]], [[glukoz]], [[asîdên çewrî]], xwê, îyon, [[hormon]], [[vîtamîn]], av û madeyên paşmayî, yên wekî karbona dîoksîd, amonyak û ure, madeyên serekê yên nav plazmayê ne<ref>Johnson, Leland G. (1987 )Biology. 2nd ed., Wm. C. Brown,. ISBN 0-697-04972-8 </ref>.) %90 yê plazmayê av e<ref>Campbell, Neil A., and Jane B. Reece. Biology. 8th ed., Pearson Education, Inc., 2008. ISBN 978-0-8053-6844-4 </ref>. Ava plazmayê li dîwarê rûviyan ji nav xurekan tê mijandin û tevlê xwînê dibe. Hinek ava plazmayê jî di nav xaneyan de piştê reaksiyonên kîmyayî, wekî madeya paşmayî çê dibe û tevlê xwînê dibe. Ji bilî avê % 7 ê plazmayê ji proteînan pêk tê<ref>Villee, Claude Alvin, et al.( 1989) Biology. 2nd ed., Saunders College Publishing. ISBN 0-03-023417-4 </ref>. Hinek ji van proteînan her tim di nav plazmayê de digerin û wekî proteînên plazmayê tê binavkirin. Rêjeya pH a [[xwîn]]ê bi proteînên plazmayê ve tê rêkxistin. [[Albumîn]], [[globulîn]] û [[fîbrînojen]] proteînên sereke yên plazmayê ne.