[[Wêne:Pêshangeha Pirtûkan a Amedê 2012 Standa Weshanên Belkî.JPG|thumb|300px|Hinek pirtûkên bi kurdî]]
Li gor fikrên ekseriyetê li serê erdê destpêka edebiyatêwêjeyê bi [[helbest]]<nowiki/>ê bûye; ango berhema wêjeyê ya yekem helbest e<ref name=":0">Strachan, John R; Terry, Richard, G (2000). ''Poetry: an introduction''. Edinburgh University Press. s. 119. ISBN 978-0-8147-9797-6</ref>. Ji kevin de, li kurdî helbest heye û li ser zarên [[Dengbêjî|dengbêj]]<nowiki/>an, ji nifşekî bo yê din hatiye veguhestin, di rêka beyt, sebeqe, qesîde, heyranok, payîzok û hwd, gihaye îro<ref>Tengezarê Marinî, ''Zanista rexneyî di navbera tiyorî û parktîkê de'', Kitêb.</ref>. Him bi formên epîk û lîrîk mijarên dinyewî û him jî bi formên ayînî û mezhebî ên mîna [[Elewîtî|elewî]], [[Êzdîtî|êzidî]] û [[Ehlê Heq|ehlê heqan]] bi kar anîne, helbest hatine xwendin<ref>[[Mehmet Bayrak]], ''Kurt Muzigi, Danslari ve Şarkilari,'' Ozge Yay.</ref>. Gelek ji wan anonîm in û hinek helbest hene ku helbestvanê wan tê zanînn lê ji aliyê dengbêjan wekî stran hatine gotin û di folklora kurdî de bi waryasyonên cuda be jî cih girtîne<ref>[[Fehîm Işik|Fehim Işik]], ''Feqiyê Teyran (1590-1660)'', [[Tîroj (kovar)|Tîroj]], Adar-Avrêl 2011</ref>. Wekî mînak hin helbestên [[Feqiyê Teyran]] bi vê awayî di hişê gelê kurd de cih girtine.
