Riya Teze (rojname): Cudahiya di navbera guhartoyan de

'''''Riya Teze''''' (carina wek [['''''Rya Teze]]''''' tê nivîsandin) yekemîn rojnameya kurdî ye ku bi [[tîpên latînî]] hatiye çap kirin. ''Riya Teze'' di [[1'ê avrêlê|1'ê avrêla]] sala [[1930]]'î de li [[Sovyetistan]]ê bi alfabeya kurdî ya [[Alfabeya Şemo-Marogûlov|Şemo-Marogûlov]] ku di sala [[1928]]'a de bi biryara dewleta [[Sovyeta berê]] hatibû amade kirin, dest bi weşana xwe kir û destpêkê heftê du caran bi çar rûpelan derdiket. Bi vî awayî ''Riya Teze'' beriya kovara [[Hawar]] dest bi weşana kurdî bi tîpên latînî kir û rojnama kurdî ya herî jîyandirêj e li cihanê.

''Riya Teze'' hetanî hilweşandina Sovyetistanê di sala [[1992]]'a de dengê kurdên Sovyetistanê bû û niha jî dengê [[kurdên Ermenistanê]] ye. Riya Teze bi tevayî ji 50 salan zêdetir ji aliyê dewletê, weke organa Komîtêya Navendî ya [[Partiya Komûnîst ya Ermenîstanê]], parlamênê û hukumeta komarê bi fermî hate weşandin û niha jî bi awayekî serbixwe weşana xwe didomîne. Riya Teze li Ermenistanê yek ji çar rojnamên sereke bû.