'''Kela Diyarbekir''' ku li cîhanê piştî [[Sedda Çînê]] dirêjtirîn beden e, bêguman ji bo dîtinê li [[Amed|Amedê]] pêştirîn cih e. Bi awayê avakirin û zexmiya xwe, bi nivîsên xwe, bi motîf û şeklên ku lu rûyê keviran hatin e niqartin re niha kîtbeyên 12 şaristaniyan têne xwendin.
Mêjûya avakirin sereta ya kelehê nayê zanîn jî lê di sala 349ê P.Z. de ji alî împaratorê Romayî [[Konstantînûs]] ve yekem car hatiyê firehkirin û hin derên wê hatine nuhkirin. Çar deriyên kelehê hene û her deriyek bi hêleke bingehîn ve vedibe. Paşê, bi mezinbûna bajêr re di bedenê de hin deriyên din jî hatine vekirin. Beden, ji 5 km.yan dirêjtir e û di şeklê masîmertalek de dor li bajêr dipêçe. Bilindiya dîwarên kelehê 12 m. firehbûna dîwaren jî 3-5 m. ye û 82 bircên xwe hene.
