Yûhenayê Noqkar: Cudahiya di navbera guhartoyan de

pêxember
Content deleted Content added
Kurteya guhartinê tine
(Cudahî nîne)

Guhartoya 10:45, 16 gulan 2006

Yûhennayê imadkar (an jî: Yahya pêxember) berî hatina Îsa Mesîh pêxemberê herî dawî bû (Lûqa 16:16).

Serkanî

Serkaniyên herî giring û kevin nivîsarên Metta, Marqos, Lûqa û Yûhenna ne. Endrawis pêşî şagirtê Yûhennayê imadkar bû û piştre li pey Îsa Mesîh çû, bû şagirtê wî. Dîroknasê Cihû, Ûsivê Flaviyus jî li ser Yûhennayê imadkar nivîsî (Tarîxa Cihûyan 18.117 (94 PZ)).

Jiyana Yûhennayê imadkar

Navê bavê wî Zekerya û navê diya wî Êlîzabêt bû. Ew herdu ji dûndana birayê Mûsa Harûn bûn û ji bo demeke dirêj bê zarok man, lê dîsa Xwedê di kalîtiya wan de kurek da wan (Lûqa 1).

Çaxê Yûhenna derket û dest bi hinkirinê kir, xelkê guman dikir ku ew bi xwe Mesîh e, lê wî ev yek qebûl nekir û li ser xwe weha got: "Ez ew deng im ku li çolê gazî dike: 'Riya Xudan rast bikin!' wek ku Îşaya pêxember gotibû." (Îşaya 40:3)

Wî xelk ji bo hatina Mesîh amade dikir û berê gel dida Îsa Mesîh, da ku baweriya xwe bi wî bînin. Gelek pêxemberên din hebû,lê ew yê tenê bû ku mirovên tobedar di avê de imad dikirin (noq dikirin); ev bû nîşana tobekirinê û nîşana afûbûna gunehên wan (Lûqa 3:3-20).

Cara pêşî ku Yûhenna Îsa dît, wî got: "Va ye, Berxê Xwedê yê ku gunehên dinyayê radike" (Yûhenna 1:29). Bi vê yekê wî kifş kir ku Îsa wê wek qurbanekê ji bo gunehên mirovan bimire.

Yûhennayê imadkar ji aliyê Îsa û ji aliyê xelkê ve wek pêxember hatiye qebûlkirin (Metta 11:7-19; Metta 14:5).

Hêrodês Antîpas, mîrê Celîlê, Yûhenna li qesrê Maxêrus avêt zîndanê, çimkî Yûhenna li hember gunehê wî rabû û jê re gotibû: "Nabe ku tu jinbira xwe bînî." Piştî demekê ew di zîndanê de hat kuştin, serê wî jêkirin (Metta 14).

Çaxê Yûhennayê imadkar hatibû girtin, Îsa dest bi hînkirinê kir û hin bi hin şagirtên Yûhenna fêm kirin ku Îsa bi xwe ew Mesîh e, yê ku Yûhenna li ser gotiye .