Gola Nemrûdê: Cudahiya di navbera guhartoyan de

Germav û kaniyên germ ên li dora golê nîşaneyên herî dawî yên çalakiya volkanîk in. Gola Nemrûdê bi ava berfê û bi ava barîna baranê tê xwedîkirin û ava golê ji ava sar û şîrîn pêk tê. Di analîzên mînakên avê de hat diyarkirin ku av zelal e, bê reng, bê bîhn û tema avê wekî vexwarinê normal e. Ava gola Nemrûdê ji aliyê radyoaktîvîteyê ve di nava sînorên asayî de ye. Nirxandina asîdêya pH 7.4e û hinek bi alkalîn e. Li Gola Nemrudê, ku ji aliyê Nîtoplanktonê ve gelekî dewlemend e, di sala 1986an de hejmareke Masî berdane golê û gol di demekî kurt de gihêşte asta gola masîgiriyê. Ji ber ku nebatên ji herêmên cuda jiyana xwe bi hev re didomînin, asta golê hema hema hertim dimîne û hevsengiya baran û avhewayê hatiye tespîtkirin, nîşan dide ku ev der xwedî mîkroklîma ye.

 

[[Wêne:Nemrut Vulcano.jpg|thumb|300px|Dîmenek ji korta Gola Nemrudê]]

Tê pêşbînîkirin ku çêbûna kratera Nemrûdê bi şikestineke firehbûnê ya ku ji ber pêlên tektonîkî yên li [[Bakurê Kurdistanê]] di serdema jeolojîk a Pliocenê de derketiye dest pê kiriye. Dema ku dîroka erdnasî ya [[Bakurê Kurdistanê]] tê lêkolînkirin tê pêşbînîkirin ku korta [[Gola Wanê]] û korta [[Deşta Mûşê]] di demên berê de yek bûne. Veqetandina van her du kortan bi herikîna volkana Çiyayê Nemrûdê Bedlîsê pêk hatiye û jiber herikîna volkanê di navbera her du kortan deşta bilind a [[Deşta Rewanê]] çêdibe ev deşt dibe sedema afirandina [[Gola Wanê]].