Jiyana Rewşen (kovar)

Jiyana Rewşen kovareke kurdî ye ku di sala 1997an de di binê banê Navenda Çanda Mezopotamyayê de derketiye. Jiyana Rewşena dûmahîka kovara Rewşenê, kovareke çandî hunerî û wêjeyî bû. Kovar bi periyoda mehane li Stembolê derdiket. Ev kovar heta navîna sala 2002yan, 51 hejmar derçû. Kawa Nemir bi salan gerînendetiya kovarê kiriye. Piştî girtina wê bi demekê kurt bi navê Rewşen-Name kovareke din dîsa li jêr edîtoriya Kawa Nemir û bi desteyeke weşanê ya fireh dest bi weşanê kir, lê ev kovar bi tenê sê hejmar derçû û bi vî awayî jî, kelepora Rewşenê ya ku ji sala 1992yan û vir de bû dom dikir, kutayî pê hat.

Di warê pêşketin û geşedana zimanê kurdî de, van her sê kovaran roleke xwe ya mezin heye. Îro gelek şagirtên Jiyana Rewşenê bûne nivîskarên gihiştî û gelek ji wan jî xwedî pirtûkan in.