Kutilka kundirê

Kufteya kundirê, kutilka kundirê cureyeke kufteyan e. Ji koma xwarinên parêzê ye, ango şîşman (qelew) nake.

Berkelî

• 2 serî kundir
• 2 tayên hêlizê (pîjinda, şiwît)
• Yek-du ta pîvaza teze
• 1 kevçî ard (arvan)
• 1 spîka hêkê
• 1 kevçî penîrê rûnî (qaşar) yê rêşkerkirî
• Rûnê ron
• Îsota reş
• Xwê

Amedekirin

Kundirê xwe li rêşkerê bidin û ava wê ya zêde jê derînin. Spîka hêkê, hêliz û pîvaza xwe amade bikin.

Ardê xwe bixin badiyekê, penîr, xwê û îsotê tevlî bikin, Hêliz, pîvaza teze û kundirê xwe berdin ser, li hev bidin.

Ji vê têkela xwe bi kevçiyê parçeyan bigirin berdin nava rûnê di rûnbirêşkê de diqijile û heya herdu aliyên wê baş sor bûn, biqijilînin.

Ji nava rûn derînin bidin ser binikekê û hinekê rûnê wê ji bidarivînin. Bi germî bixwin.

Helbet zêde xwarina wê mirov qelew dike.